NRK Meny
Normal

Alexander Legkov: – Garanterer at eg var tre tusen millionar prosent rein

Aleksandr Legkov avviser alle skuldingar om at han skal ha vore innblanda i doping under Sotsji-OL.

Alexander Legkov

MAPPE: Alexander Legkov tok med seg en mappe som han hevdet inneholdt alle prøveresultatene sine, og som skulle bevise at han var uskyldig.

Foto: SERGEI KARPUKHIN / Reuters

– Skuldingane er oppspinn og ærekrenking, seier Legkov til den russiske tv-stasjonen Match TV, omsett til engelsk og sitert i langrenn.com.

Han langar ut mot Gregorij Rodtsjenkov, den tidlegare leiaren av antidopinglaboratoriet i Moskva, og som i New York Times i går fortalde om omfattande systematisk doping under OL i Sotsji.

Legkov understrekar at hans OL-gull neppe kunne kallast ei overrasking. Før OL vann han Tour de Ski, Holmenkollen Skimaraton og fleire verdscuprenn.

– Femmilsgullet mitt var ingen sensasjon, seier han.

– Budde i Sveits og hadde utanlandske trenarar

Legkov vann femmila der, og var ein av dei som var namngitt av Radtsjenko, som hevda at i alt 15 russiske medaljevinnarar i OL var dopa.

– Dersom han kjende til mi historie, hadde han aldri nemnt mitt namn. Eg har jobba med utlendingar sidan 2010, ikkje russiske trenarar. Heile tida ha eg budd i Davos, og var knapt nok i Russland i denne perioden. Før OL blei eg testa 33 gonger, seier Legkov.

– Trur du andre russiske utøvarar kunne ha brukt doping før Sotsji-OL?

– Dei andre som er nemnde, er utøvarar i bob og skeleton. Der er det teknikken som er det viktigaste, og kva slags doping skulle dei tene på å bruke? Alle våre utøvarar i OL var ærlege og verdige, inkludert Tretjalov og Zubkov, seier han.

Skeletonkøyrar Alexander Tretjalov og bobkøyrar Alexander Zubkov var dei to andre OL-vinnarane som var namngjevne av Rodtsjenkov.

– Tar gjerne skuldingane til retten

– Trur du intervjuet er ein del av eit informasjonsåtak på Russland?

– Ja, heilt klart. Vi skulle saksøkt ein slik person, seier Legkov til den russiske tv-stasjonen.

Han brukar Marcus Kramer, Isebelle Knauthe og Reto Burgermeister som sanningsvitne.

– Dei veit korleis vi trena då. I dag trenar Sergej Ustjugov på same måten. Vi jobbar på ein ærleg måte, det kan eg garantere tre tusen millionar prosent, seier Legkov.

– Er du klar til å ta saka til retten?

– Sjølvsagt. Om eg får hjelp, skal eg gjere det med glede.

Siste nytt

  • Brann økte forspranget til RBK

    Brann vant 1-0 over Odd i Skien mandag kveld, da hjemmelaget fikk to nettkjenninger korrekt annullert. Bismar Acosta scoret kampens eneste godkjente mål. Dermed er serielederens forsprang oppe i sju poeng.

    Eliteserien fotball 2018: Odd-Brann.
    Foto: Trond Reidar Teigen / NTB scanpix
  • Rekordtangering i VM

    Saudi-Arabias andre straffespark i VM-møtet med Egypt mandag var det 18. i VM-sluttspillet i Russland. Det er tangering av den gjeldende rekorden, melder NTB.

Sendeplan

Kl. Program Kanal
Fotball-VM: Iran - Portugal
Fotball-VM: Spania - Marokko
FIFA Fotball-VM 2018: Spania - Marokko
FIFA Fotball-VM 2018: Iran - Portugal
FIFA Fotball-VM 2018 Iran - Portugal og Spania - Marokko og eliteserien Odd-Brann 2.omgang