Skjelbreid om astmamedisin: – Virkar som det er blitt ein kultur for at dette er akseptabelt

Den tidlegare skiskyttardronninga reagerer på den utbreidde bruken av astmamedisinar i norsk langrennsport.

Liv Grete Skjeldbred Poiree

VANT UTAN MEDISIN: Liv Grete Skjeldbred seier ho gjekk utan astmamedisin då ho vann fire VM-gull i 2004, sjølv om ho hadde lov til det grunna utslag på astmatestar.

Foto: Junge, Heiko / NTB scanpix

– Eg hadde utslag på astmatestane og brukte astmamedisin tidleg i karrieren, men bestemte meg for å slutte etter eit år, seier NRKs skiskyttarekspert Liv Grete Skjelbreid.

Skjelbreid fortel at ho slutta i frykt for bivirkningene. Hjerterytmeforstyrringar og beinskjørheit var blant bivirkningene av medisinane ho brukte.

– Eg tenkte alltid at eg skulle leve eit godt liv også etter idrettskarrieren, seier ho til NRK.

– Gedigen misforståing

Reaksjonane til Skjelbreid kjem etter at det dei siste dagane har opna seg ein debatt kring medisinering av langrennsutøvarar.

Vidar Løfshus

LANDSLAGSSJEF: Vidar Løfshus.

Foto: Nesvold, Jon Olav / NTB Scanpix

Landslagssjef Vidar Løfshus meinte i går at det heile er ei gedigen misforståing, men innrømma at dei har gitt astmamedisinane Pulmicort og Atrovent til utøvarar som ikkje er diagnostisert med astma, men som har det Løfshus kallar obstruktive lunger.

– Me har ikkje gitt astmamedisin til dei som ikkje treng det. Det er ei gedigen misforståing, seier Løfshus.

– Moralsk spørsmål

Men Skjelbreid seier at ho trass i utslag på testane for luftvegsproblem, slutta med astmamedisin. Då ho tok fire gull i VM i Oberhof i 2004, var det utan bruk av astmamedisin.

– Det verkar som det er blitt ein kultur for at dette er akseptabelt, men for meg er dette eit moralsk spørsmål. Eg synest det er veldig bra at det blir sett fokus på dette og rydda opp i, seier Skjelbreid.

Legen til Sveriges langrennslandslag seier at Norge opererer i ei etisk gråsone viss dei gir astmamedisinar til utøvarar utan astma, og at praksisen i Sverige er heilt annleis.

– Me gir berre astmamedisin til dei som har påvist astma. Å gi det til symptomfrie individ er etisk uforsvarleg. Slike medisinar er reservert utøvarar med astma, seier landslagslegen på Sveriges skilandslag, Per Andersson.

Sverige

Heller ikkje Sveriges antidopingforbund er nøgd med medisineringa hjå naboen i vest.

– Det er ikkje forbode dopingmessig, men moralsk er dette heilt feil. Me meiner ein skal behandlar sjuke folk, ikkje dei som er friske, seier Åke Andrén Sandberg, medisinsk sjef i Antidoping Sverige.

Til liks med landslagslege Andersson, seier han at ingenting liknande skjer i svensk idrett.

– Eg kjenner ikkje til noko liknande i Sverige, og eg veit til dømes at langrennslandslaget tek sterk avstand frå dette, seier Sandberg til NRK.

Krev gransking

I dag tidleg melde skipresident i Norge, Erik Røste at dei skal sette i gang ei gransking av saka. Etter kvart vart det klart at langrennskomiteen også ville hente inn eksterne krefter.

Det meiner kulturminister Linda Hofstad Helleland (H) er utruleg viktig.

– Eg meiner det er heilt avgjerande at ei slik gransking er uavhengig, slik at ingen kan sette spørsmålsteikn ved den i etterkant.

– Det er ikkje bra viss ein internasjonalt tvilar på Norges praktisering, seier Helleland til NRK.

Siste nytt

  • Innleia cupen med storsiger

    KIL/Hemne er det første laget som er klar for 2. runde i fotball-NM for kvinner, og det med eit brak. I førsterundekampen mot Træff vann dei 8-0. Sara Hoftun Bjerkesæter scora tre av måla.

    Resten av kampane i 1. runde går onsdag og torsdag.

    KIL/Hemne 2021.
    Foto: Ole Martin Wold / NTB
  • Ingen finale for Magnus Carlsen

    Magnus Carlsen tapte det andre hurtigsjakkpartiet mot Jan-Krzysztof Duda tysdag. Dermed blir det ingen finale på han i verdscupen i Sotsji.

    Etter remis i dei to langsjakkpartia i semifinalen vart kampen om finalespel forlengde til ein tredje og siste dag. Der gjekk Carlsen og Duda over til hurtigsjakk, og vanlegvis skal det vere til fordel for den norske verdseinaren.

    Men denne gongen gjekk det ikkje vegen. Carlsen spelte remis med svarte brikker i det første partiet, men måtte gi tapt i det neste. Han kom til kort sjølv om han fekk gjere første opningstrekk med kvite brikker.

    Norway Chess 2020
    Foto: Carina Johansen / NTB
  • Luftig ny OL-idrett i gang

    Klatring er ein heilt ny idrett på OL-programmet i år, og tysdag møtte dei mannlege deltakarane veggen for første gong.

    Det blir konkurrert samanlagt i tre greiner: Boulder, speed og lead.

    I speed skal utøvarane klatre opp ein 15 meter høg vegg raskast mogeleg. Boulder inneber å ta seg fram fire korte ruter på veggen, utan tau. Lead betyr å klatre så høgt som mogeleg på ei gitt tid.

    Ikkje alle er like glade for formatet i OL-konkurransen, som er blitt karakterisert som eit samansurium av greiner.

    – Nesten alle er spesialistar i ei av greinene, så det er vanskeleg å gjere det godt i alle. Det finst så mange typar klatring at å kåre nokon som den beste i verda, nærmast er tøv, seier sportens største stjerne, tsjekkiske Adam Ondra.

    – Men den som vinn, er likevel best den dagen, og vil bli den første olympiske meister. Det er noko ingen kan ta frå deg, legg han til.

    Han bomma litt i speed, men gjorde det greitt i dei to andre greinene, og er nummer fem. Franske Michael Mawam vann kvalifiseringa.

    Dei åtte beste går til finalen torsdag. I morgon skal kvinnene gjennom kvalifisering.

    Adam Ondra, klatring
    Foto: Maxim Shemetov / Reuters

Sendeplan

Kl. Program Kanal