NRK Meny
Normal

– AaFK kan bli eit topplag under Jönsson

Etter gode opningar har AaFK og Lillestrøm samla to og fire poeng dei siste fire serierundane. Tom Nordlie meiner det er to ustabile lag med eit enormt potensial som møtest på Color Line Stadion.

Tollås Nation mot Riise

Det kan bli nye tøffe duellar mellom AaFK-kaptein Jonatan Tollås Nation og ålesundsgutt og LSK-spelar Bjørn Helge Riise. I kveld møtest laga på Color Line Stadion.

Foto: Ekornesvåg, Svein Ove / NTB scanpix

– Begge har falle litt etter gode opningar. Det er no ein får sjå forskjellen på dei beste laga og dei litt lenger nede, seier Tom Nordlie, ekspertkommentator i NRK og tidlegare trenar i Eliteserien.

– Dei med ressursar og breidde i stallen taklar slike periodar med skader og karantenar betre. Desse laga har stallar som på papiret skal vere topp 4-5-6.

Thorstein Helstad og Petter Vaagan Moen

Thorstein Helstad og Petter Vaagan Moen har vore målfarlege for LSK i årets sesong. Mot AaFK må dei klare seg utan begge to.

Foto: Larsen, Håkon Mosvold / NTB scanpix

Manglar kaptein og toppscorarane

For før møtet med AaFK, som kan gjennomføre sin åttande strake heimekamp utan tap, stiller Lillestrøm heller svekka.

Thorstein Helstad, med tre mål så langt, er ute med strekk i 4-6 veker. Kaptein Frode Kippe er ikkje med mot AaFK, men ikkje minst manglar toppscorar i Eliteserien Petter Vaagan Moen.

Han har scora seks mål så langt, men etter tre gule kort manglar LSK to måltjuvar.

– Lillestrøm har nokre utfordringar, så ein kan trygt seie at Aalesund er favoritt på heimebane, meiner Nordlie.

I tillegg til kaptein og toppscorarar, manglar LSK Stian Ringstad, Fredrik Stoor og Erling Knudtzon.

AaFK stiller truleg utan Demar Phillips og Tremaine Stewart i angrepet. Frå før er Daniel Arnefjord og Peter Orry Larsen ute. I tilllegg er Jo Nymo Matland ikkje med.

Tom Nordlie

Tom Nordlie, her etter første trening som LSK-trenar, meiner både Lillestrøm og Aalesund har eit svært stort potensial.

Foto: Larsen, Håkon Mosvold / SCANPIX

– Ingen grunn til langvarig down

Det er to serierundar sidan Lillestrøm vann. AaFK har ikkje vunne sidan 4. serierunde.

– Kva tenkjer du om «formduppen» til Aalesund?

– Alle lag i Eliteserien vil få periodar med motgang, så det gjeld å ta flest mogleg poeng på kvardagar og dårlege dagar. Sånn sett har det blitt to uavgjortresultat i kampar der det har lugga litt. Så eg ser ingen grunn til at dette blir ein langvarig «down».

Nordlie trur derimot det kjem an på psyka til AaFK.

– Det spørst korleis ein greier å tenkje i motgang. Å tenkje på korleis ein opptredde i medgang er eit god triks, fortel Nordlie, som har vore trenar i mellom anna Start, Lillestrøm og Kongsvinger.

På sikt meiner Nordlie at AaFK-trenar Jan Jönsson kan gjere AaFK til eit stabilt topplag.

– Føresetnadene er der, og Jan Jönsson har gjort ein god jobb så langt. At det svingar litt er naturleg. Over tid blir derimot ikkje arbeidet tilfeldig.

Abderrazzaq Hamed-Allah

Det har blitt mykje nesten for Abderrazza Hamdallah. Tom Nordlie meiner 22-åringen frå Marokko bør få god tid, trass i høg prislapp.

Foto: Svein Ove Ekornesvåg / NTB scanpix

– Aaalt for tidleg å dømme

For AaFK er det midtbanespelar Michael Barrantes som har stått for flest mål med fire nettkjenningar. Leke James følgjer med tre.

Sjumillionersspissen Abderrazak Hamdallah står med éi scoring.

– Om han tenkjer eg at AaFK har gjort såpass god research at dei veit kva som har blitt kjøpt, meiner Tom Nordlie, og siktar til kritikken av 22-åringen frå Marokko.

Han meiner Hamed-Allah må få tid.

– Det er berre å snu på det: Om vi skulle reist til Marokko, tilpassa oss klimaet, spelestilen og lært språket ... Ein kan ikkje tru at spelaren skal prestere på toppnivå frå dag éin. Det er aaalt for tidleg å dømme om han er eit godt eller dårleg kjøp.

– Det hadde teke tid for deg å slå like gode hjul i Marokkoa som i Noreg?

– Nei, det skulle eg fiksa med ein gong. Underlaget og klima har lite å seie, det er kroppsvekta som tel, og den like overalt unntatt på månen, avsluttar ein humrande Tom Nordlie.

Siste nytt

Sendeplan

Kl. Program Kanal
Toppidrettsveka: Fellesstart
Toppidrettsveka
Toppidrettsveka: Fellesstart