– Så godt som umogeleg å utrope favorittar

Det er få konkurransar der det er vanskelegare å tippe vinnaren enn i kampen om å bli konge eller dronning på Landsskyttarstemnet.

Skyting

MANGE KAN VINNE: Ole Kristian Bryhn, Ingeborg Sogn Øiom og Daniel Sørli kan alle vinne.

Foto: Ivar Løvland / NTB scanpix / Jan Åge Gjerstad / NRK/ Ivar Løvland / Nye Troms / NTB scanpix

– Mange av dei sterkaste namna kjem frå Sørlandskretsen. Der er det stor breidde i toppen for tida, seier Ola Lunde før eliten inntek Landsskyttarstemnet i Førde.

Sørlandskretsen i Det frivillige skyttervesen omfattar Rogaland og Agder-fylka.

Lunde skal kommentere NRKs drygt 12 timars sending frå stemnet. Den første er onsdag når eliteskyttarane inntek standplassen for si innleiande skyting.

  • Kl 10.10: Se sendingen fra Landsskytterstevnet her

I praksis er det heilt sikkert at den som blir konge eller dronning, er i aksjon i løpet av den over åtte timar lange direktesendinga.

Lunde nemner Anette Thingbø frå Time først når vi spør om favorittane til konge- eller dronningtittelen. Ho leier Norgescupen så langt i sesongen, og har skote fullt hus – 350 poeng – to gonger i år.

Dronning for tredje gong?

– Petter Sørli frå Søgne er også ein sørlending som har kapasitet. Han og har 350 i år, seier Lunde. Sørli er nummer to i Norgescupen.

Men sjølvsagt er også mange skyttarar frå andre landsdelar i favorittsjiktet.

– Ole Kristian Bryhn er i siget og kan godt gå til topps, seier Lunde. Bryhn kjem frå Røyken og Hurum.

– Anne Ingeborg Sogn Øiom frå Vestre Toten og Daniel Sørli frå Høland og Bjørkelangen, kongen frå i fjor, er også mogelege vinnarar.

Skyttardronning har det berre vore to gonger – Mette Elisabeth Finnestad i 2006 og Eileen Torp i 2015.

– Det er i det heile tatt mange som har kapasitet til å vinne i Førde, seier Lunde.

– Derfor er det så godt som umogeleg å dra fram ein favoritt framfor mange andre.

Landsskytterstevnet på Voss i 2012

MANGE KAN VINNE: Det er vanskeleg å peike ut favorittar før eit landsskyttarstemne. Særleg fordi det er skote fullt hus heile ni gonger før i år

Foto: Marit Hommedal / NTB scanpix

Når blir det fullt hus?

58 gonger har ein skyttar skote 350 poeng i opne stemne sidan Frode Kristensen blei den første i 1999. Dei er fordelte på 28 skyttarar. Ni av toppresultata har kome i år. (Sjå heile lista i botnen av artikkelen)

– 350 poeng vil kome på Landsskyttarstemnet og, spørsmålet er når, seier Lunde.

Daniel Sørli

BLANT FAVORITTANE: Daniel Sørli vann i Målselv i fjor, og kan bli den første sidan 2009 som maktar å forsvare ein tittel, og den sjette i Landsskyttarstemnets 124 år lange historie. Sørli er også blant dei som har skote fullt hus tidlegare i år

Foto: Ivar Løvland / NTB scanpix

Han meiner det er stor skilnad på eit Landsskyttarstemne og eit vanleg ope stemne.

– Vanlegvis kjem skyttaren til bana, skyt programmet, og reiser vidare. På LS er det mykje meir styr, det er tv som følgjer dei beste tett, og ikkje minst så skyt dei beste ein og ein i finaleomgangen. Det gir eit heilt anna press, seier Ola Lunde.

Tor-Erik Fossli har stemnerekorden på 349 poeng frå 1998, tangert av Knut Erik Brodahl i 2010. I fjor blei Daniel Sørli konge med 348 poeng.

– 350 kan kome i år. Bana i Førde er nok relativt lett. Det er ei 200-metersbane som i realiteten er nokre meter kortare. Men presset på dei beste er like stort, seier Lunde.

Les også: Så «enkelt» er Landsskyttarstemnet: Rundt ein halv million skot på åtte dagar

350-klubben

Namn

Lag

Gonger

År

Kim-Andre Aannestad Lund

Jondalen

12

2009, 2010, 2011, 2014 (5), 2015, 2016 (2), 2018

Daniel Sørli

Høland/Bjørkelangen

6

2016, 2017, 2018 (4)

Ola Tore Dokken

Nordre Land

5

2000, 2003 (2), 2007, 2015

Anette Thingbø

Time

4

2016, 2017 (3)

Ole Kristian Bryhn

Røyken og Hurum

4

2011, 2012, 2017 (2)

Hans Kriatian Wear

Styrvoll

4

2013, 2015, 2017, 2018

Vebjørn Berg

Blaker

3

2005, 2009, 2010

Tor-Erik Fossli

Målselv

2

2003, 2007

Knut Einar Bråthen

Kongsberg

2

2003, 2011

Tor Gaute Jøingsli

Lom og Skjåk

2

2011, 2013

Simon Kolstad Claussen

Høland/Bjørkelangen

2

2013, 2015

Tor Harald Lund

Søgne

2

2015 (2)

Roger Ottosen

Vestre Toten

2

2006, 2015

Peter Sørli

Søgne

2

2017, 2018

Edvin Aamot

Orkla

2

2018 (2)

Frode Kristensen

Åsane og Hordvik

1

1999 (førstemann)

Knut Haug

Tolga

1

2005

Hans Erik Ness

Nordli

1

2005

John Olav Ågotnes

Sartor

1

2009

Liv Sollesnes

Jondal

1

2009

Odd Arne Brekne

Lyngdal

1

2013

Simen Rundberget

Ski

1

2014

Nils Thomas Valand

Oslo Østre

1

2014

Fredrik Orerød

Froland

1

2015

Tor Arnfinn Homme

Kristiansand & Omegn

1

2016

Jan Kåre Moland

Drangedal

1

2016

Hans Bakken

Nordre Skauge

1

2017

Håkon Sørli

Høland/Bjørkelangen

1

2017

Einar Johansen

Time

1

2017

Kim Johan Vemmelvik

Kristiansand & Omegn

1

2018

Vegard Solhaug

Aurland

1

2018

Kristin Dyhrendahl

Rissa

1

2018

(Kjelde: Norsk Skyttertidende)

Siste nytt

  • Vant gull i karate under ungdoms-OL

    Annika Sælid (17) fra Sentrum Kampsportklubb i Sarpsborg vant torsdag gull i kvinnenes +59-kilosklasse under ungdoms-OL i Buenos Aires.

    Hun vant alle sine tre innledende gruppekamper.

    Annika Sælid
    Foto: Pøbel Film
  • Jacob Noer scora to i sterk siger

    Lillehammer Ishockey tok ein sterk siger over Manglerud Star torsdag. Fjorårets «Get Rookie of the Year» Jacob Lundell Noer scora to av Lillehammers mål.

    NM Ishockey 4. Semifinale: Lillehammer - Sparta (5-1)
    Foto: Fredrik Hagen / NTB scanpix
  • Kloster Aasen skal vurdere søkere

    Det norske IOC-medlemmet Kristin Kloster Aasen har fått plass i evalueringskomiteen som skal vurdere kandidatene til vinter-OL i 2026. Calgary i Canada, italienske Milano/Cortina d'Ampezzo og Stockholm i Sverige er søkerbyene.

    Visepresident i Norges Idrettsforbund Kristin Kloster Aasen under et åpent møte i idrettsstyret på Olympiatoppen torsdag ettermiddag.
    Foto: Jon Olav Nesvold / NTB scanpix

Sendeplan

Kl. Program Kanal