NRK Meny
Normal

– Publiserer video på Youtube og kallar det Jackass når han skiftar daglegvarebutikk

Norges beste hoppar Anders Bardal er landslagets store pingle utanfor hoppbakken, ifølge lagkameratane.

Bardal

– Han hoppar ikkje i strikk om han ikkje må. Og han handlar i den butikken han har vore i før, der han veit kor Colaen står, seier lagkamerat Anders Jacobsen om super-streite Anders Bardal.

Foto: Solum, Stian Lysberg / NTB scanpix

Av kompisane på landslaget blir VM-vinnaren bare kalla «Steady Eddy». Forklaringa er enkel, fortel Anders Jacobsen og Tom Hilde.

– Bardal er «rebelsk». Såpass «rebelsk» at han filmar det når han skiftar daglegvarebutikk, legg det ut på Youtube og kallar det Jackass, seier Hilde og gliser stort.

– Han hoppar ikkje i strikk om han ikkje må. Han handlar i den butikken han har vore i før, der han veit kor Colaen står, seier Jacobsen.

Bardal blånekta

At Bardal er alt anna enn ekstrem uten ski på beina viste seg tydeleg då Mika Kojonkoski var hopptrenar for Norge. Kojonkoski tok landslaget med på årlege samlingar til den finske landsbygda, der det bare var to daglegvarebutikkar å velge mellom.

Hilde

– Superenkel forskning viser det er Bardal som har vore sterkast dei siste åra. Eg trur han kjem til å vere sterk også i år, seier lagkamerat Tom Hilde.

Foto: Pedersen, Terje / NTB scanpix

– Eg hugsar ikkje om han gjekk på den butikken til høgre eller venstre, men han blånekta å sjonglere. Han gjekk kun i den eine butikken dei gangane vi var der, seier Hilde.

Lagkameraten trur den super-streite veremåten har gjort Bardal best.

– Det er derfor han er så mykje betre enn meg. Fordi han har vore nøye på absolutt alle område over veldig lang tid. Han har gjort dei same tingene og endrar sjelden på noko verken i eller utanfor bakken, sjølv i motgang, seier Hilde.

Frå appelsinjuice til eplejuice

Plasseringane i verdscupen dei siste åra viser kor ekstremt stabil Bardal er i bakken.

I fjor var han ikkje like god som då han vann verdscupen samanlagt i 2012, men likevel var hopparen:

  • Ein av dei ti beste hopparane i 18 av 21 renn
  • På pallen i 11 av 21 renn

Bardal lev godt med kallenamnet «Steady Eddy».

– Eg er den typen. Vil ha kontroll på ting og rutinar på ting, seier Bardal, som sesongåpnar med lagkonkurranse i Klingenthal.

«Steady Eddy» ønskar å stå i historiebøkene som ein av hoppsportens gigantar. Då blir det viktig å oppnå desse måla denne sesongen:

– Pallplass samanlagt i hoppveka og gull i Falun, svarar Bardal kjapt.

– Og ditt neste Jackass-stunt blir?

– Vi får sjå. Kanskje eg byter frå appelsinjuice til eplejuice, seier 32-åringen.

Frå Norvegia til lettare Norvegia

Bardal har også lova lagkamerat Hilde at han skal bli meir ekstrem utanfor bakken denne sesongen.

– Han skal skifte frå Norvegia til lettare Norvegia-ost, seier Hilde.

– Kor tøff blir han i bakken?

– Superenkel forskning viser det er han som har vore sterkast dei siste åra. Eg trur han kjem til å vere sterk også i år.

– Det er få som klarar å følge han når han er i form. Det veit han sjølv og det kjem han til å dra nytte av denne sesongen, seier Hilde.

Siste nytt

  • Mjelde kåret til tredje beste

    Maren Mjelde ble søndag kveld stemt frem av spillerne selv som den tredje beste spilleren i engelsk fotball.

    Lagvenninne fra Chelsea, Fran Kirby, vant prisen. Ji So-yun, også Chelsea-spiller, tok andreplassen.

    SOCCER-CHAMPIONS-CHE-WOB/WOMEN
    Foto: ADAM HOLT / Reuters
  • Napoli senket Juventus

    De fleste av de store fotballigaene er avgjort, men i Italia er det fortsatt spenning.

    Søndag kveld tapte tittelforsvarer Juventus 0–1 mot Napoli på hjemmebane.

    Dermed er Napoli bare ett poeng bak Juventus på toppen av tabellen.

    FBL-ITA-SERIE A-JUVENTUS-NAPOLI
    Foto: MARCO BERTORELLO / AFP
  • Salah kåret til årets spiller

    Liverpools storscorer Mohamed Salah ble søndag tildelt den prestisjetunge prisen som årets Premier League-spiller av den engelske spillerforeningen PFA, skriver NTB. Egypteren tangerte ligarekorden da han scoret sitt 31. seriemål lørdag.

    FBL-ENG-PR-WEST BROM-LIVERPOOL
    Foto: LINDSEY PARNABY / AFP

Sendeplan

Kl. Program Kanal
Morgensport og musikk
Morgensport og musikk
Morgensport og musikk
Morgensport og musikk
Morgensport og musikk
NRK Sport Live
NRK Sport Live
NRK Sport Live
Best i verden: Martin Schanche - Rattets Messias
Sport i dag
4-4-2 Eliteserien: Odd - Sarpsborg 08