NRK Meny
Normal

– Media har prøvd å bryte oss ned

Martin Johnsrud Sundby skjelte ut media på pressekonferansen etter medaljeløpet.

Eldar Rønning og Martin Johnsrud Sundby

Sølvvinnar Eldar Rønning (t.v.) og bronsevinnar Martin Johnsrud Sundby jubla høgast sjølv om Matti Heikkinen (i bakgrunnen) vart for sterk på 15 kilometeren.

Foto: Jens Meyer / Ap

– De har jo prøvd å bryte oss ned så godt de har kunna i mange månader. Det er hardt når du jobbar livet av deg heile døgnet, heile året – og så blir ein slakta i media kvar veke, seier Johnsrud Sundby.

Han seier planen heile sesongen har vore å nå toppformen i VM.

– Det har vi prøvd å fortelje. Det er deilig å vinne VM-gull, men det hadde kanskje vore endå betre om de hadde backa oss litt.

«Payback»

Matti Heikkinen var det lite å gjere med tysdag, men Eldar Rønning og Martin Johnsrud Sundby imponerte alle med sølv og bronse på den knallharde 15 kilometeren i klassisk stil.

LES: Brølte av glede etter dobbel pallplass

– Dette er utruleg godt, for de har vore mykje imot oss, sa han etter målgang.

Sesongen har vore tung for dei mannlege løparane. Forutan Petter Northug er det berre sprintar Ola Vigen Hattestad som har greidd å karre seg inn blant dei 20 beste i verdscupen.

Johnsrud Sundby føler bronsemedaljen var ein «payback» overfor media etter å ha fått «mye pepper i avisene hver uke».

– Vi jobbar livet av oss heile året for å gå for Norge, og det er ikkje «bare-bare» å takle, seier han.

Vurderte Alsgaard

Fleire ekspertar har påpeikt svake enkeltresultat bak Petter Northug denne vinteren. Sist ute var Thomas Alsgaard, som meinte v-cup-sesongen har vore nedslåande.

LES: - Tynt bak Petter

Så skralt har det vore på distanserenna at landslagssjef Åge Skinstad forhøyrte seg med ski-pensjonist Alsgaard om han kunne vere aktuell for VM.

LES: Ville ha Alsgaard med til VM

NRKs ekspertkommentator tok nemleg ein sensasjonell bronsemedalje under NM for ein månad sidan.

LES: Bronse til Alsgaard

Artikkelen held fram under videoen.

– Må leggje Petter-ballen død

Video Finsk seier på 15 km

Sjur Røthe meiner tirsdagens 15 kilometer beviser at norsk herrelangrenn har mykje meir å by på enn Petter Northug jr.

– Den ballen kan vi leggje død no, sa han etter sjølv å ha gått i mål til 21. plass på 15 kilometeren i VM.

I tillegg til Rønning og Johnsrud Sundby sine medaljar, imponerte VM-reserven Petter Eliassen med 15. plass på den klassiske distansen.

– Eldar og Martin viser i dag at dei kan gå verkeleg fort, og det kjem fleire bak som har lyst til å vise seg fram. Det er definitivt ikkje berre Petter lenger, seier Røthe.

– Må foredle fleire

Trenar Vidar Løfshus meiner Rønning og Johnsrud Sundby har hatt nivået inne i fleire år.

– Men dei har slitt med å få det ut. Så har dei gjort nokre små justeringar, og då var vi der, seier han.

Løfshus meiner landslagsleiinga framleis har ein jobb å gjere med dei nest beste løparane.

– Vi har tre-fire-fem menn som er gode, så skal vi gjere ein jobbe med å foredle dei, seier landslagstrenaren.

Eldar Rønning og Martin Johnsrud Sundby

Glade medaljevinnarar, frå venstre Eldar Rønning og Martin Johnsrud Sundby.

Foto: Kyrre Lien / Scanpix

Siste nytt

  • Hauger mester i Tyskland

    Motorsport-talentet Dennis Hauger (14) vant søndag det tyske mesterskapet i gokart. Han er den yngste vinneren gjennom tidene i mesterskapet som er går for å være det tøffeste og største i verden med fører fra et 20-talls nasjoner. Hauger er nå ferdig med gokart og tar steget opp til formelbil neste år.

    Dennis Hauger
    Foto: CRG
  • Rooney-scoring i nytt Everton-tap

    Wayne Rooney scoret søndag karrierens 12. Premier League-mål mot Arsenal, men Everton ble likevel sendt under nedrykksstreken med 2-5-tap på Goodison Park. Arsenal er på sin side oppe på 16 poeng, ni poeng bak serieleder Manchester City.

    Wayne Rooney
    Foto: Oli Scarff / AFP

Sendeplan

Kl. Program Kanal
4-4-2 Eliteserien fotball: Brann - Rosenborg