– Eg er veldig skuffa over meg sjølv. Ein ting er spelet, men det er eg mest skuffa over er korleis eg takla det.
Det blei ein marerittaktig start for Magnus Carlsen i VM i lynsjakk. Eit tap og to remis på dei tre fyrste partia gjorden vegen fram til eit nytt VM-gull lang.
LES SAKA: Rasende Carlsen mistet besinnelsen: – Jeg skjønner at det ser dumt ut
– Eg var ikkje i nærleiken i det heile tatt
Og det gjorde Carlsen tydeleg frustert. Pennar blei kasta og Carlsen gjekk frå bordet i sinne. Så snudde det ein periode og Carlsen fekk med seg fire sigrar på dei sju siste partia. Men det var aldri nok til å sikre seg ein ny verdsmeistertittel.
– Det var berre eitt tap som skulle til for å få meg heilt ute av det. Nervene spelte ikkje på lag i det heile tatt. Eg var ikkje i nærleiken, seier ein svært skuffa Carlsen til NRK rett etter det siste partiet som han til slutt vann.
– Eg kjenner ikkje meg sjølv igjen
Carlsen la tydeleg vekt på at han var skuffa over måten han takla nederlaga i Berlin i dag.
– Ein skal ikkje bli så sur når ein tapar i lynsjakk. Eg takla det ikkje rett og slett. I går blei eg liggande å tenkje på gårsdagens tap og ikkje morgondagen. Det gjorde eg aldri i hurtigsjakken. Eg kjenner ikkje meg sjølv igjen i dag. Det er så mykje som går gale, sa Carlsen tydelig frustrert.
– Tek du lærdom av dette?
– Eg veit ikkje. Nå er eg berre skuffa over både måten eg tapar på og måten eg ikkje taklar nervene. Eg skjønar jo at det berre skjer dumt ut når eg stormar frå bordet gang på gang.
Alexander Grischuk fra Russland blei verdsmeister medan Maxime Vachier-Lagrave frå Frankrike tok sølvet. Vladimir Kramnik var andre russar på pallen på tredjeplass.
