NRK Meny
Normal

– Keane favoritt til å ta over etter Deila

Den tidlegare Manchester United-hardhausen Roy Keane seglar opp som den største favoritten til å ta over etter Ronny Deila.

Roy Keane

Roy Keane var laurdag på oppgjeret mellom Everton og Southampton på Goodison Park i Liverpool for sjå på aktuelle spelarar for Irland.

Foto: Darren Staples / Reuters

SPORT SOCCER

Vidar Riseth (høgast oppe) feirar Celtic-mål i oktober 1999 saman med målscorar Mark Viduka, Ian Wright og Regi Blinker heime på Celtic Park.

Foto: JEFF J MITCHELL / REUTERS

Keane har tidlegare hevda at han blei spurt om å ta over manager-jobben i Celtic sommaren 2014.

Men takka nei fordi han følte at Celtic ikkje ønska han sterkt nok.

To år etter er Ronny Deila - mannen som fekk jobben - ferdig etter denne sesongen.

Ifølge skotsk presse er Roy Keane igjen høgaktuell som ny sjef på Celtic Park, melder ex-Celtic-spelar Vidar Riseth.

– Eg har ikkje jobba mykje i dag fordi eg har prata så mykje med norske journalistar. Og dei skotske journalistane som har ringt meg trur Roy Keane er mest aktuell til å ta over jobben. Dei trur han er øvst på lista akkurat no, seier Vidar Riseth til NRK.

Den tidlegare landslagsspelaren fekk 55 kampar for den skotske storklubben frå 1998 til 2000.

Men han er usikker på om Keane er rett mann til å lede klubben vidare.

– Han har jo vore i klubben tidlegare, og har eit hjerte for Celtic. Det har han jo sagt heile tida.

– Men om han er den rette - det veit eg ikke. Eg kjenner han ikke, seier Riseth.

David Moyes

NY JOBB?: Skotten David Moyes er arbeidsledig. Her på Celtic Park under kampen mellom Celtic og Ajax i november i fjor.

Foto: Graham Stuart / Reuters

Moyes aktuell

Keane avslutta ei lang spelarkarriere i nettopp Celtic - sesongen 2005/2006.

Frå 1993 til 2005 regjerte han sentralt på Manchester Uniteds midtbane.

Som manager førte han Sunderland opp i Premier League i 2007, men gjekk av etter svake resultat desember 2008. Han fekk også sparken i Championship-klubben Ipswich av same grunn i 2011.

Han er for tida assistenttrenar for det irske landslaget.

– Han var knallhard som spelar. Men han har ikke gjort «det store» som trenar. Det har han ikkje, seier Riseth.

Tidlegare Everton- og Manchester United-manager David Moyes blir også nemnt som ein klar kandidat til Skottlands mest attraktive manager-jobb.

Skotten har gått arbeidsledig sidan november i fjor. Då fekk han sparken i spanske Real Sociedad.

Ronny Deila

RAK RYGG: Ronny Deila vil ikkje vere arbeidsledig lenge, trur Vidar Riseth.

Foto: Russell Cheyne / Reuters

– Kan dra heim med rak rygg

Men ifølge Riseth kan Celtic få problem med å hente eit «stort namn» til klubben.

– Ein trenar med eit «stort namn» forlangar å komme til ein klubb med god økonomi, og å få bygge opp eit lag med gode spelarar. Celtic er ikkje i den posisjonen.

– Dermed blir det samme visa ein gang til. Dei får inn ein manager som er der i 1-2 år, han får sparken. Og så er det inn med ein ny, melder trønderen.

Ronny Deila vil derimot ikkje bli arbeidsledig lenge, trur den tidlegare Kongsvinger, Rosenborg og Lillestrøm-profilen.

– Eg er sikker på at Ronny kjem til å få ny jobb i morgon, dersom han vil. Han har gjort ein god jobb i Celtic, når du ser på kva han har fått til med dette laget.

– Han kan dra heim med rak rygg, seier Vidar Riseth.

Siste nytt

  • Kvinnekombinert inn på VM-programmet

    Kombinert for kvinner blir for første gang VM-øvelse i Oberstdorf i 2021, sammen med lagkonkurranse i hopp for kvinner. Det ble klart på FIS-kongressen i greske Costa Navarino fredag.

  • – Ronaldo tilbudt å betale 140 mill.

    Cristiano Ronaldo skal ifølge avisen El Mundo ha foreslått å betale de over 140 mill. kronene (14,7 mill. euro) han er skyldig i skatt til spanske myndigheter. Ronaldo er beskyldt for å ha unndratt skatt gjennom å bruke skatteparadiser i utlandet i årene 2011 til 2014.

    Spain Soccer La Liga
    Foto: Emilio Morenatti / AP
  • Junior-VM i alpint 2020 til Narvik

    Narvik skal arrangere junior-VM i alpint 2020. Det ble besluttet på FIS-kongressen i Hellas torsdag. Mesterskapet skal arrangeres 5.–15. mars 2020. I Narvik jobbes det for å få senior-VM i 2025.

Sendeplan

Kl. Program Kanal