NRK Meny
Normal

Boasson Hagen: – Ikkje i toppform enno

Edvald Boasson Hagen trur ikkje han er for tidleg i form, trass suksessane i Qatar og Oman i sesongstarten.

Edvald Boasson Hagen

GOD, MEN IKKJE I TOPPFORM: Edvald Boasson Hagen kan juble etter suksess i sesongstarten, men meiner han har meir å gå på

Foto: ERIC FEFERBERG / Afp

– Eg håpar ikkje det. Eg er i bra slag, men ikkje i toppform. Eg har meir å gå på. Det er ei god kjensle å ha, seier Hagen til NRK.

I dag skal han i gang med ein ny etappe i Tour of Oman, eit ritt han leier etter etappesigeren i går. Der slo han sterke konkurrentar som Vincenzo Nibali og Greg van Avermaet, som han har høvesis fire og seks sekund bak seg i samandraget etter tre etapper.

Og i førre veke utklassa han alle konkurrentane i tempoetappen i Tour of Qatar.

Fire turar på ski

Men han er slett ikkje sikker på at det går like bra på dagens etappe i Oman. Den er 176,5 km og nokså flat.

– Det blir vanskeleg, for Alex (Alexander Kristoff) er med. Han har gode avslutningar, det har han vist tidlegare i år. Men eg håpar å gje både han og dei andre spurtarane kamp i dag og, seier Edvald Boasson Hagen.

Om årsaka til den gode sesongstarten seier han at det kan skuldast at han har vore mindre på samlingar og trena meir heime i vinter.

– Eg har gått fire turar på ski. Kanskje det er det som er grunnen, smiler han. Før han legg til:

– Eg har køyrt nokså mykje styrke i vinter. Og eg hadde ei god avslutning av sesongen i fjor, og har framleis ei god utvikling. Det går veldig bra no, seier han litt beskjedent.

Blir vanskeleg å vinne samanlagt

– Det er godt å kunne bevise at ein er i bra form. Det er aldri lett å vinne sykkelløp, så eg er godt nøgd, seier han etter sine to sigrar.

Han trur likevel samanlagtsiger i Oman kan bli vanskeleg.

– Eg skal gjere mitt for å prøve å forsvare leiartrøya så lenge som mogeleg. Men eg er førebudd på at det kan bli vanskeleg, seier Hagen.

Svaret får vi når rittet blir avslutta søndag.

Siste nytt

  • Northug stiller til start på Gålå

    Fredag sesongdebuterer Petter Northug under norgescupen på Gålå. Han stiller til start i to løp. – Petter går 15 km fristil fredag og etter planen den klassiske sprinten lørdag, sier trener Stig Rune Kveen til NRK.

    NM- ski del 2. Lagsprint
    Foto: Terje Bendiksby / NTB scanpix
  • Nedturen fortsetter for Everton

    Everton sliter både i Premier League og i Europaligaen. Torsdag gikk laget på et stygt 1-5-tap hjemme for italienske Atalanta. Det var Evertons fjerde tap. Laget har sanket bare ett poeng i turneringen. Det kom i 2-2-kampen mot Apollon Limassol.

    Britain Soccer Europa League
    Foto: Peter Byrne / AP
  • Finaleplassen røk for Ulsrud

    Torsdagens semifinale endte med norsk 3-8-tap for Sverige for Thomas Ulsrud og hans curlingmannskap i EM. Tidligere på dagen hadde Ulsrud & co. sikret seg en plass i OL ved å bli blant de fire beste. Nå blir det spill om bronsen mot Sveits fredag.

    Thomas Ulsrud
    Foto: Jon Eeg / NTB scanpix

Sendeplan

Kl. Program Kanal
V-cup langrenn: Klassisk sprint
Vinterstudio
Vinterstudio
V-cup langrenn: Klassisk sprint, kvinner og menn
V-cup langrenn: Klassisk sprint
V-cup kombinert: Hopp
V-cup kombinert: Hopp
V-cup kombinert: Hopp
V-cup kombinert: Langrenn
V-cup kombinert: 5 km langrenn
V-cup kombinert: 5 km langrenn