NRK Meny
Normal

– Har ikkje stabiliteten som skal til

BEAVER CREEK (NRK): Den opererte akillesen har faktisk spelt på lag for Aksel Lund Svindal under VM. No er det noko heilt anna som er blitt hans akilleshæl.

SKIING/ Alpine Skiing: FIS World Championships-Men's Super G

Aksel Lund Svindal var fornøyd etter å ha komme i mål i super-G.

Foto: Jeffrey Swinger / Reuters

Aksel Lund Svindal

Aksel Lund Svindal var veldig fornøgd då han kom i mål etter super-G-rennet.

Foto: AL BELLO / Afp

Ein sensasjonell sjetteplass under super-G rennet i Beaver Creek ga VMs comeback-konge ei kraftig dose sjølvtillit før utforen laurdag.

Men der kan det raskt bli tøffare, trur Kjetil André Aamodt.

– Han er ikkje så fleksibel og seier sjølv at han enno er litt rusten. Og i utforen kjem det til å gå raskare enn i super-G-rennet, seier Aamodt.

– Eg er ikkje så stabil. Det ser ein på løpet mitt i super-G, seier Lund Svindal.

– Det kan gå

Aamodt

Kjetil André Aamodt er NRKs alpinekspert.

Foto: Olsen, Geir / NTB scanpix

Men sjølv om OL- og VM-vinnaren har eit stykke igjen til god, gamal form vil han ikkje utelukke seg sjølv som medaljekandidat til utforen.

– Eg var jo plutseleg medaljekandidat her under super-G-rennet!

Eg er veldig bra i periodar og dårleg i andre. Eg har ikkje den stabilieten som skal til, men om eg klarer å lime saman eit heilt løp er eg plutseleg medaljekandidat, seier Svindal.

– Men det er ikkje så mykje å spekulere i. Eg tar dag for dag.

I Beaver Creek var ingen meir letta enn Aksel Lund Svindal, som glisande gjekk frå TV-kanal til TV-kanal for å snakke om comebacket i går.

Men sjølv om 32-åringen køyrte inn til bestetid og til slutt bare var 13 hundredelar bak bronseplass, var han sjølvkritisk etter rennet.

– Eg såg det grøne lyset utan å vere fornøgd. Det seier at eg har ein litt «feeling» no. Eg trudde ikkje at eg var i nærleiken av å ta føringa. Eg manglar litt for å skjønne kva som skal til.

– Eg får prøve på ny til utforen, seier Lund Svindal og ler.

SPO-WIT-SKI-2015-FIS-ALPINE-WORLD-SKI-CHAMPIONSHIPS---DAY-4

Aksel Lund Svindal køyrte inn til ein imponerande 6.-plass i super-G-rennet torsdag.

Foto: Alexis Boichard/Agence Zoom / Afp

Aamodt tippa Svindal på 15.-plass

Men sjølv om Aamodt trur det blir hardare for Lund Svindal å hevde seg i utfor, tør han ikkje utelukke noko som helst.

– I går trudde eg han skulle vere eitt sekund bak og bli nummer 15. Er du eitt sekund bak vinnaren hamnar du rundt den plassen. Men sjølv med ein feil i rennet var Svindal velding innanfor.

– Han er jo ein medisinsk sensasjon, så alt er mogleg også i utfor, seier Aamodt.

Siste nytt

  • Uavgjort i Leicester

    Leicester utlikna ti minutt før slutt og spela 1-1 mot West Bromwich i Premier League i kveld. Nacer Chadli gav WBA leiinga midt i andre omgang, og det var Riyad Mahrez som utlikna for heimelaget.

    Leicester er dermed framleis på tredje siste plass i ligaen.

    Riyad Mahrez
    Foto: ANDREW BOYERS / Reuters
  • Bakelants ute av intensiven

    Den belgiske sykkelprofilen Jan Bakelants, som brakk to ryggvirvler og sju ribbein i en stygg velt nylig, er på bedringens vei.

    Mandag ble 31-åringen flyttet ut av intensivavdelingen, tre dager etter at han gjennomgikk en ryggoperasjon.

    Han fikk skadene da han veltet stygt i en utforkjøring under Giro di Lombardia nylig.

    Jan Bakelants
    Foto: CHRISTIAN HARTMANN / Reuters
  • Malmö blei svensk meister

    Med 3-1 borte over Norrköping forsvarte Malmö FF seriegullet frå i fjor og sikra årets svenske meisterskap tre rundar før slutt.

    David Moberg Karlsen gav heimelaget tidleg leiing. Men Carlos Strandberg, Lasse Nielsen og Anders Christiansen scora for Malmö i andre omgang.

    Malmö-jubel
    Foto: Björn Lindgren/TT / NTB scanpix

Sendeplan

Kl. Program Kanal