– Denne mannen kan bli sesongens store overrasking

NRKs ekspert trur 20 år gamle Joacim Ødegård Bjøreng kan bli den store sensasjonen i verdscupen i hopp denne sesongen.

Joacim Ødegård Bjøreng

STORE FORVENTNINGAR: - Joacim Ødegård Bjøreng kan bli sesongens store norske overrasking, trur NRKs hoppekspert.

Foto: Bendiksby, Terje / NTB scanpix

– Det eg har sett no, gjer meg tryggare framfor sesongen. Gutta hoppar bra, og det er fleire som hoppar på eit høgt nivå, seier Johan Remen Evensen.

Han er i Vikersund for å sjå dei norske hopparane i aksjon på snø for første gong, godt og vel ei veke før verdscup-opninga i Ruka i Finland.

– Der kan vi få overraskingar, seier Evensen.

Det er då han snakkar om Joacim Ødegård Bjøreng.

– Han er ein hoppar som har teke store steg i det siste. Han viser at han heng med dei aller beste. Spørsmålet er naturlegvis om han klarer å levere tilsvarande hopping når det kjem til verdscup. Då kan det bli veldig bra, seier Johan Remen Evensen.

– Kjem alltid fram nye

Norsk hoppsport har ofte i dei siste åra levert nye unge topp-hopparar etter at profilar har blitt borte.

– I år er Kenneth Gangnes borte, iallfall i første del av sesongen. Men det kjem alltid opp nye. Kanskje er det Bjøreng som tek steget opp no og hoppar seg inn på det faste verdscuplaget, meiner Remen.

Joacim Ødegård Bjøreng tar ikkje av trass skrytet frå NRKs hopp-ekspert.

– Det er hyggeleg at han spår det. Eg skal prøve å «bånne» bakken om eg får sjansen. Målet er å vinne verdscuprenn, men det blir nok eit lite sjokk om det skjer tidleg i vinter, seier han.

– Det er iallfall veldig godt å hoppe på snø igjen. Eg har kome kjempegodt i gang, seier 20-åringen frå Drammen.

Joachim Ødegård Bjøreng

GLEDER SEG: Joacim Ødegård Bjøreng har som mål om å vinne et verdenscuprenn denne sesongen.

Foto: NRK

Sjefen har trua

Landslagssjef Alexander Stöckl har også beina på jorda. Men han er glad for endeleg å kome på snø.

– Formen er bra, men det er alltid vanskeleg å seie korleis vi står isamanlikna med dei andre. Eg trur potensialet vårt er ganske høgt, og gler meg til vi møter dei andre i Ruka.

– Blir Bjøreng årets overrasking?

– Det kan han godt bli. Han er god til å fly og har gode eigenskapar der. Vi er gode i store bakkar, og bakken i Ruka er for folk som er gode til å fly, seier Stöckl.

Bakkestorleiken i den finske skimetropolen er 142 meter, og der skal verdscupen opne med renn 25. og 26. november.

Siste nytt

  • Fourcade måtte avbryte trening

    Den franske skiskyttaren Martin Fourcade er blitt forkjølt og måtte reise heim frå trening denne helga. Franskmannen har slite i årets sesong og stod over verdsmeisterskapet i Canmore og Salt Lake for å trene til VM i Østersund i mars.

    Forcade sjuk
    Foto: Marco Bertorello / AFP
  • Alle nordmenn vidare

    I Para-VM i Prince George i Canada har alle dei norske tatt seg vidare i sprint. Birgit Skarstein og Vilde Nilsen er klare for finalen. I tillegg er tre nordmenn, Håkon Olsrud, Eirik bye og Thomas Oxaal klare for herrane sin semifinale.

    Vilde Nilsen og Birgit Skarstein
    Foto: Norges Skiforbund / NTB scanpix
  • Leeds får millionbot for spionasje

    Leeds bekrefter på sine sider at de får en bot på 200.00 pund etter at de spionerte på Derby før toppkampen i Championship i januar.

    Trener Marcelo Bielsa tok på seg ansvaret for spionasjen.

    – Vi beklager å ha oppført oss på en måte som er kulturelt uakseptabel i engelsk fotball, sier en talsmann fra klubben.

Sendeplan

Kl. Program Kanal