NRK Meny
Normal

– Han er og blir ein medaljekandidat

BEAVER CREEK (NRK): Aksel Lund Svindals konkurrentar lar seg ikkje bare imponere av at 32-åringen er tilbake på rekordtid. Dei trur også at comeback-kongen kan stå på pallen etter super-G-rennet i dag.

Aksel Lund Svindal

HÅPET: Aksel Lund Svindal rakk VM i USA og køyrer utan press for første gang på lenge under super-G-rennet i dag.

Foto: Toirje Bjellaas / NRK

  • Sjå super-G for menn på NRK2 kl. 18.30

– Aksel er den beste utfor og super-G-køyraren i verda, så sjansen er der, seier Dominik Paris, som vann det siste super-G-rennet før VM.

– Så lenge han føler seg sjølvsikker nok til å starte er han medaljekandidat. Han ville ikkje køyrt om han ikkje hadde følt at han hadde ein god sjanse til å komme på pallen, seier regjerande VM-vinnar i super-G, Ted Ligety.

Det var med arenens største glis at Aksel Lund Svindal tok av seg skia og møtte støtteapparatet i målområdet etter utforgjennomkøyringa i går.

– Han har nok ein del fart i reserve

Etter ein samtale med fysio Lars Mæland og manuellterapeut Trond Reginiussen snudde han seg mot filmteamet som har fulgt han sidan han skada akillesen i oktober i fjor og ropte:

– Eg må nesten bare køyre rennet!

På resultatlista var han nummer 11, over sekundet bak bestemann Kjetil Jansrud, som trass avstanden er optimist før Lund Svindals comebackrenn.

– Han viser at han heng med sjølv om det er litt avstand til toppen. Han har nok ein del fart i reserve kjenner eg han rett. Han er og blir ein medaljekandidat, seier gullfavoritten.

Ligety: – Vanskeleg løype

Ted Ligety

– Dette er ei veldig vanskeleg løype å gjøre comeback i, seier Ted Ligety.

Foto: Fred Hayes / Afp

Lund Svindal var raskast på toppen av «Birds of Prey»-løypa, men tapte ein del tid midtvegs.

Ikkje overraskande, meiner amerikanske Ligety.

– Det er veldig imponerande at han gjør det så bra her. Dette er ei veldig vanskeleg løype å gjøre comeback i, seier den regjerande VM-vinnaren.

– Vi har så mykje respekt for han. Han er fyren folk må sjå opp for sjølv om han har vore ute i eit år, legg Ligety til.

– Større sjanse i utfor

NRKs alpinekspert Kjetil André Aamodt utelukkar ikkje at Lund Svindal kan overraske med pallplass i super-G, men held 32-åringen som ein større favoritt i utforrrennet, som kjem seinare i veka.

– I og med at han har trena så lite er sjansane størst i utfor. Han får eit lågt startnummer i super-G. Det kan vere ein fordel for han, men super-G er vanskelegare i og med at det er meir teknisk enn utfor.

– Men alt er mogleg. Han er ein vanvittig mann, seier Aamodt.

Sjølv er Lund Svindal klar på at han køyrer for medalje.

– Eg har ein viss sjanse og har ingenting å tape, seier comeback-kongen med eit lurt smil.

Siste nytt

  • Jacobsen takket nei til verdenscup

    Astrid Uhrenholdt Jacobsen (30) prioriterer Oslo, Skeikampen og Gålå framfor verdenscupåpningen i finske Ruka den kommende uken. Det er noen år siden Jacobsen presterte i verdenscupen i Ruka. Hun mener at det er klokest å prioritere annerledes nå.

    Sprint finaler.
    Foto: Terje Pedersen / NTB scanpix
  • Zucca involvert da Rangers vant

    Mats Zuccarello bidro med to assist da New York Rangers slo Ottawa Senators 3-0 natt til mandag. Etter tap i de to siste kampene kunne Rangers nå juble for seier. Første periode var målløs, men fire minutter ut i andre periode scoret Kevin Hayes.

    SPO-HKO-HKN-OTTAWA-SENATORS-V-NEW-YORK-RANGERS
    Foto: BRUCE BENNETT / AFP
  • Norsk siger i curling-EM

    Thomas Ulsruds lag slo Nederland 6-2 i sin tredje kamp i curling-EM i Sveits. Dermed har Norge to sigrar og eitt tap hittil.

    Måndag møter Norge både Slovakia og Italia.

Sendeplan

Kl. Program Kanal