Torde ikkje tenke på VM - frykta kneet skulle øydeleggje

GYÖR (NRK): Kari Aalvik Grimsbø vedgår at ho var spent då ho fekk telefonen frå landslagsleiinga måndag kveld.

Kari Aalvik Grimsbø

SPENT: – Eg hadde førebudd meg på begge utfall, men hadde blitt skuffa om eg ikkje var med, seier Kari Aalvik Grimsbø

Foto: Hanne Skjellum Mueller / NRK

– Eg var veldig spent. Det kribla i magen, seier Grimsbø til NRK. Då har ho nettopp fått vite at ho er ein av to målvakter i VM-troppen.

Györ-målvakta blei operert i kneet i sommar, og har jobba hardt for å kome tilbake. Det har ho greidd, og har spela godt for klubben i meisterligaen i haust. Seinast måndag då det blei 25–23 over Rostov og avansement i turneringa.

Men ho var likevel ikkje sikker på å bli tatt ut i konkurranse med Silje Solberg og Katrine Lunde.

– Eg prøvde å førebu meg på begge utfall. Eg hadde nok blitt skuffa om eg ikkje var med, for eg hadde veldig lyst til å vere med laget og jentene, seier Grimsbø. – Å spele eit meisterskap i desember er stort.

I går sa NRKs ekspert Geir Oustorp at han trudde Grimsbø ikkje hadde nok kamptrening, og derfor kom til å tape kampen mot dei to andre. Men slik gjekk det ikkje.

– Kneet fungerer fint

– Ho er frisk og trenar for fullt og er med på alt. Derfor var det ingen tvil, seier landslagssjef Thorir Hergeirsson.

– Eg kjenner meg heilt fri for smerter, og kneet fungerer fint. Forma er stigande, og eg er tilbake for fullt, seier Grimsbø.

– Det var den beskjeden eg fekk i telefonen måndag kveld; at eg er tilbake på gammalt nivå og at eg kan vere med på å bidra.

Ho fortel at ho etter operasjonen aldri fekk noko estimat om kor lang rehabiliteringsperioden skulle vere.

– Eg visste ikkje kva eg hadde framfor meg. Eg måtte berre jobbe så raskt og riktig som mogeleg for å gjere den perioden så kort som råd.

– Korleis har presset vore i lys av at det har vore så hard konkurranse om VM-plassane?

– Det har eg prøvd å tenkje så lite som mogeleg på.

Siste nytt

  • Solskjær: – Tror Pogba blir

    Ryktene tilsier at Manchester Uniteds Paul Pogba kan selges, men det avkrefter Ole Gunnar Solskjær. – Du kan ikke garanterte noe, men jeg tror Paul kommer til å være her. Han er veldig innstilt på suksess med United, sier han, ifølge Sky Sports.

    Pogba og Solskjær
    Foto: John Sibley / Reuters
  • Bare én kamp flyttes

    En kamp må flyttes som følge av pilotstreiken i SAS. Det er oppgjøret mellom Vålerenga og Arna-Bjørnar i toppserien, som blir flyttet fra lørdag til søndag. Alle eliteseriekampene og kampene i 1. divisjon går som planlagt. (NTB)

    Tom Nordlie
    Foto: Vidar Ruud / NTB scanpix
  • Dømt til ubetinget fengsel

    Den tidligere Rosenborg-spilleren Nicki Bille ble fredag dømt til fire måneders ubetinget fengsel for vold, trusler og besittelse av narkotika. Bille erkjente i retten at han i ruspåvirket tilstand med luftpistol truet en syklist i København. (NTB)

    Nicki Bille
    Foto: Mads Claus Rasmussen / Ritzau Scanpix / NTB scanpix

Sendeplan

Kl. Program Kanal