NRK Meny
Normal

FIFA-presidenten: – Enorm støtte for 48 lag i fotball-VM

48 lag. 80 kampar. 16 grupper. Dette kan bli realiteten i fotball-VM frå 2026.

Tyskland

LENGER FRAM TIL JUBEL: Tyskland måtte spele sju kampar for å ta VM-gullet i 2014. I framtida kan dei bli nøydde til å spele åtte

Foto: FABRICE COFFRINI / Afp

– Det har eg fått stor støtte for, sa FIFA-president Gianni Infantino på FIFAs toppmøte i Singapore i dag.

– I Asia er alle for utviding, og dei aller fleste for 48 lag, sa han.

Asia er den tredje største føderasjonen i FIFA med 47 medlemsland. Dei har no berre fire plassar i VM, i tillegg til at dei kan få ein femte ved omspel. Afrika med sine 56 medlemmer er størst, dei har fem VM-plassar.

Europa, med sine 55 medlemmer har 13 plassar i VM i dagens format.

Men forslaget seier ingenting om kor mange lag frå kvar verdsdel som skal få plass.

16 innleiande grupper

Dette er hovudpunkta i Infantinos forslag:

  • 48 lag skal delta i framtidige VM, tidlegast frå 2026.
  • Dei skal delast inn i 16 grupper med tre lag i kvar. Det betyr at kvart deltakarland er garantert minst to kampar, mot tre i dag.
  • Dei to beste i kvar gruppe går til utslagsrundane, som tek til med 16.-delsfinale. I dag er åttedelsfinale den første utslagsrunden.
  • Dette formatet inneber at VM vil omfatte 80 kampar, mot 64 i dag.
  • Dei fire beste må dermed spele åtte kampar, ein meir enn i dag, ettersom det er ein utslagsrunde meir.

Infantino sa også at han vil gå inn for at inntil tre land skal kunne samarbeide om å arrangere VM når det blir så stort.

Hittil har alle VM blitt arrangert innanfor eitt land, bortsett frå i 2002 då Japan og Sør-Korea delte arrangementet.

Men trass i at kamptalet blir auka frå 64 til 80, meiner han likevel at det går an å arrangere VM innan same tidsrommet som no, 32 dagar. Det vil heller ikkje krevje fleire arenaer, meiner han.

Inspirert av EM i Frankrike

Infantino

SANKAR STØTTE: – Heile Asia og mange andre støttar forslaget, seier FIFA-president Gianni Infantino

Foto: Rebecca Blackwell / Ap

Infantino vart vald til FIFA-president i februar i år, og ein av vallovnadene var å auke talet på land i VM frå dagens 32 til 40 eller 48.

– Fotballnivået aukar over heile verda. Med fleire lag i VM vil kvaliteten auke endå meir, seier Infantino.

Infantino seier han var inspirert av EM i Frankrike i sommar, der det for første gong deltok 24 lag. Tidlegare var det 16 lag i EM.

Han går for 48 lag, men har endra sitt tidlegare forslag om ein innleiande runde der dei 32 lågast rangerte landa skulle møtest to og to, slik at 16 lag skulle bli slått ut etter berre ein kamp.

Avgjerd i januar

Men han meiner det nye forslaget er betre.

– Det gjer alle kampar viktige. Det vil ikkje finnast ubetydelege kampar, sa han.

FIFA skal ta stilling til forslaget på styremøtet 9. og 10. januar.

Der kan det også bli lansert alternativ på 40 lag, enten med ti firelagsgrupper eller åtte femlagsgrupper.

Siste nytt

  • Northug stiller til start på Gålå

    Fredag sesongdebuterer Petter Northug under norgescupen på Gålå. Han stiller til start i to løp. – Petter går 15 km fristil fredag og etter planen den klassiske sprinten lørdag, sier trener Stig Rune Kveen til NRK.

    NM- ski del 2. Lagsprint
    Foto: Terje Bendiksby / NTB scanpix
  • Nedturen fortsetter for Everton

    Everton sliter både i Premier League og i Europaligaen. Torsdag gikk laget på et stygt 1-5-tap hjemme for italienske Atalanta. Det var Evertons fjerde tap. Laget har sanket bare ett poeng i turneringen. Det kom i 2-2-kampen mot Apollon Limassol.

    Britain Soccer Europa League
    Foto: Peter Byrne / AP
  • Finaleplassen røk for Ulsrud

    Torsdagens semifinale endte med norsk 3-8-tap for Sverige for Thomas Ulsrud og hans curlingmannskap i EM. Tidligere på dagen hadde Ulsrud & co. sikret seg en plass i OL ved å bli blant de fire beste. Nå blir det spill om bronsen mot Sveits fredag.

    Thomas Ulsrud
    Foto: Jon Eeg / NTB scanpix

Sendeplan

Kl. Program Kanal
V-cup langrenn: Klassisk sprint
Vinterstudio
Vinterstudio
V-cup langrenn: Klassisk sprint, kvinner og menn
V-cup langrenn: Klassisk sprint
V-cup kombinert: Hopp
V-cup kombinert: Hopp
V-cup kombinert: Hopp
V-cup kombinert: Langrenn
V-cup kombinert: 5 km langrenn
V-cup kombinert: 5 km langrenn