NRK Meny
Normal

– Eit ikon som toppidrettsutøvar

Sarah Louise Rung blir rost opp i skyene etter sin fjerde medalje under Paralympics i Rio. Og det er fleire sjansar igjen.

Sarah Louise Rung vant med over 20 sekunders margin og tok dermed sin andre gullmedalje i OL i Rio.

– Ho er eit ikon som toppidrettsutøvar – ein komplett idrettsutøvar. Ho er fullstendig dedikert til det ho held på med, og trass eit godt støtteapparat veit ho at ho må gjere jobben sjølv, seier idrettspresident Tom Tvedt til NRK, rett etter at han har sett Sarah Louise Rung knuse nærmaste konkurrent med 20 sekund på 200 meter medley.

– Berre det å sitje 55 minutt på kanten før du får beskjed om å gå i vatnet igjen, viser at ho er sterk i hovudet, seier Tvedt.

– Sarah Louise Rung er eit enormt stort førebilete. Ho viser stor entusiasme for det ho driv med, spreier utruleg glede, og ho er ein komplett symjar. Det er til inspirasjon for at andre kan begynne i det små og bli paralympiarar i framtida, seier Cato Zahl Pedersen, hovudleiar for den norske troppen og sjølv tidlegare Paralympics-vinnar.

Han håpar dette skal gi fleire paralympiske symjarar i framtida.

– Ho har ikkje tenkt å gi seg med det første.

To medaljesjansar igjen

Norge har no teke ti medaljar i Rio – seks av dei i Paralympics.

Rung har teke fire–to gull, ein sølv og ein bronse. Ho reiste til Rio med målsetjing om fem medaljar på sju øvingar.

Det ligg ho godt an til. I dag skal ho ut på 50 meter rygg, i morgon 100 meter fri.

– 50 meter rygg er ingen favorittdistanse for meg. Den er litt for kort, men eg skal gjere så godt eg kan. På 100 meter fri har eg større sjansar. Men det blir tette heat, seier Rung.

Sarah Louise Rung

IKON: Sarah Louise Rung nærmar seg målet om fem medaljar på sju startar

Foto: YASUYOSHI CHIBA / Afp

Stigning gjennom meisterskapet

Ho har berre blitt betre og betre gjennom meisterskapet, etter å ha innleia med sølv på 200 meter fri.

– Innleiinga var ikkje nokon innertiar. Men vi hadde lagt opp til ei stigning, seier trenar Morten Eklund, som karakteriserte gulløpet torsdag som det beste Rung nokosinne har symt.

– Det var veldig sterkt av henne å levere dette resultatet etter den utsetjinga. Men ho heldt hovudet kaldt og handterte det. Ho var også tett på verdsrekorden, så dette er det beste ho nokon gong har symt.

Vil halde fram–minst ut veka

Han analyserer løpet, der ho slo nærmaste konkurrent med nesten 20 sekund.

– Sarah er gjennomtrent og råsterk, og beherskar alle fire disiplinane. Ho beherskar også taktomslaget mellom dei ulike symjeeartene, det er det som er vanskeleg i medley.

– Var du redd då det blei nesten ei time utsetjing på medleyen torsdag?

– Nei. Ho trivst godt i eige selskap og er dessutan god venninne med eit par av dei andre symjarane. Så dei hadde sikkert ei god foreining der inne.

– Kva med framtida–kjem ho til å halde fram?

– Vi har ein plan for det. Ho skal iallfall halde fram ut veka, seier trenaren.

Siste nytt

  • Klæbo med suveren seier

    Johannes Høsflot Klæbo knuste verdenseliten og tok en helt suveren seier på sprinten i Ruka. Pål Golberg sørget for dobbelt norsk. Svenske Calle Halfvarsson på tredje.

    Johannes Høsflot Klæbo
    Foto: Terje Pedersen / NTB scanpix
  • Northug stiller til start på Gålå

    Fredag sesongdebuterer Petter Northug under norgescupen på Gålå. Han stiller til start i to løp. – Petter går 15 km fristil fredag og etter planen den klassiske sprinten lørdag, sier trener Stig Rune Kveen til NRK.

    NM- ski del 2. Lagsprint
    Foto: Terje Bendiksby / NTB scanpix
  • Nedturen fortsetter for Everton

    Everton sliter både i Premier League og i Europaligaen. Torsdag gikk laget på et stygt 1-5-tap hjemme for italienske Atalanta. Det var Evertons fjerde tap. Laget har sanket bare ett poeng i turneringen. Det kom i 2-2-kampen mot Apollon Limassol.

    Britain Soccer Europa League
    Foto: Peter Byrne / AP

Sendeplan

Kl. Program Kanal
V-cup kombinert: Hopp
V-cup kombinert: Hopp
V-cup kombinert: Hopp
V-cup kombinert: Langrenn
V-cup kombinert: 5 km langrenn
V-cup kombinert: 5 km langrenn
Sport i dag
Sport i dag
V-cup hopp: Kvalifisering