Sportssjefen: – «Eddie» får fleire sjansar i årets Tour

Sportssjef Douglas Ryder forstår at Edvald Boasson Hagen var skuffa etter spurten i dag, men seier at det vil kome nye sjansar for nordmannen i årets Tour.

Douglas Ryder

GLAD FOR PALLPLASS: – Edvald får fleire sjansar i årets Tour, seier sportssjef Douglas Ryder

Foto: Braastad, Audun / NTB scanpix

– Kanskje allereie i morgon, seier Ryder om den flate og relativt korte etappen som endar i Montpellier ved den franske middelhavskysten.

– Edvald er vår nummer to på spurtetappene. Så om Mark Cavendish ikkje har heilt dagen, kan det bli ein sjanse for «Eddie».

– Er Cavendish sliten?

– Eg trur nok Mark er ok, seier Douglas Ryder, sportssjef i Dimension Data

– Og det er ein ny sjanse for oss og for Edvald 18. juli, legg Ryder til.

Den dagen er det ein kupert etappe på 209 km med målgang i Bern i Sveits.

Sportssjefen er godt nøgd med dagen i dag og med heile Touren så langt, trass i at Edvald Boasson Hagen tapte spurten på dei aller siste metrane.

– Han er sjølvsagt skuffa

Tour-innspurt

SLÅTT PÅ STREKEN: Edvald Boasson Hagen var i teten i nesten heile etappen, men måtte gi tapt i spurten

Foto: Peter Dejong / Ap

– Det var ein ny stor spurt for oss med ein ny pallplass. Vi har hatt ein stor Tour de France så langt, seier ein glad Douglas ryder til NRK etter rittets tiande etappe som enda med tredjeplass til Edvald Boasson Hagen.

Dimension Data har også Stephen Cummings og Mark Cavendish, som totalt har vunne fire etapper.

– Edvald er sjølvsagt skuffa i kveld fordi sigeren glapp. Han blei stengd inne og måtte nærmast restarte spurten, seier Ryder.

– Men for oss er det fantastiska å ha to mann med i brot så lenge, seier han, og siktar til at Cummings var med og drog det store brotet som låg i teten det meste av etappen. Først då ei sjumannsgruppe stakk snaue to mil før mål, måtte Cummings sleppe.

Blant dei seks som spurta mot mål, var det tre frå Orca. Det blei avgjerande.

– Kunne de gjort noko annleis?

– Nei, eg trur ikkje det. Orca var fast bestemte på å ta dette, seier han.

Siste nytt

  • Zucca med mål og to assist

    Mats Zuccarello bidro med to assist da New York Rangers tok imot Colorado Avalanche tirsdag, og scoret også for laget på straffekonkurranse. Zuccarello satte det første målet i straffekonkurransen. Resultatet ble til slutt 3-2.

    Predators Rangers Hockey
    Foto: Frank Franklin II / AP
  • Ruud kjempet i land seieren

    Casper Ruud (19) måtte virkelig slite for seireren over colombianske Alejandro Gonzales i 1. runde av challengerturneringen i Calgary tirsdag. Det ble 3-6, 7-5, 7-6 (7-3) i tenniskampen.

    Casper Ruud
    Foto: DANIEL BOCKWOLDT / AFP
  • Vålerenga kjemper om europa-seier

    Vålerenga Sjakklubb, med Magnus Carlsen i spissen, kjemper om seiren i europacupen. Etter den femte runden ligger de på en fjerdeplass, på lik poengsum som Alkaloid, som leder. Det gjenstår to runder.

    Europacup i sjakk
    Foto: Jack Nilssen / Vålerenga Sjakklubb / NTB scanpix

Sendeplan

Kl. Program Kanal
Morgensport og musikk
Morgensport og musikk
NRK Sport Live
NRK Sport Live
NRK Sport Live
Sport i dag
Sport i dag
Da vinden snudde