Dansk antidopingsjef om lekkasjane: – Dette er Russland mot Vesten

Leiaren for det danske antidopingbyrået ser på hackinga av Wada som ein konflikt på politisk nivå.

Pernille Blume

OFFER: Pernille Blume, som tok OL-gull i Rio, kan lovleg bruke astmamedisin. - Her er ho eit offer, meiner den danske symjepresidenten

Foto: MICHAEL DALDER / Reuters

Den danske symjaren og gullvinnaren Pernille Blume er ein av dei som har fått sine medisinske opplysningar offentleggjort etter hackinga.

Leiaren av Anti Doping Danmark Michael Ask er ikkje i tvil om kva målet til den russiske hackergruppa er.

– Dei prøver å skape splid og mistillit til antidopingsystemet. Det er ikkje tilfeldig at Pernille er med i denne runden av avsløringar. Det heng nok saman med at Danmark har vore aktive i kritikken mot russarane og deira statsstyrte dopingsystem.

Dette er ein konflikt på politisk nivå med Russland på den eine sida og den vestlege verda på den andre, seier Ask til avisa BT.

Den russiske gruppa Fancy Bears har offentleggjort sensitive medisinske opplysningar om 29 utøvarar som deltok i OL i Rio.

Trur russisk tryggingspoliti medverkar

Russiske styresmakter avviser på det sterkaste at dei har noko med avsløringane å gjere. Det trur ikkje Ask på.

– Eg trur at hackergruppa kan knytast til Russland og det russiske tryggingspolitiet, seier han til BT.

Russlands ambassade i Oslo har tidlegare overfor NRK avvist at Russland har noko som helst med Wada-hackinga å gjere.

Ask avviser blankt at det er noko suspekt over dei utøvarane som har fått sine medisinske opplysningar offentleggjorte.

– Hacker-gruppa prøver å få det til å sjå ut som at heile systemet er rote, og at vestlege idrettsfolk er like dopa som dei rusisske. Men slik er det ikkje. Det er to vidt ulike ting. Det er viktig å slå fast at det ikkje er noko fordekt ved TUE-ane til utøvarane, seier Ask.

TUE er eit sertifikat som gir utøvarane løyve til medisinsk å bruke stoff som i utgangspunktet er ulovlege.

– Pernille er det uskuldige offeret

Det danske symjeforbundet er rysta over lekkasjane.

– Når utøvarane gir opplysningar (til Wada), skal ein ha tillit til at uvedkomande ikkje får tilgang til dei. Det er krenkande, seier kommunikasjonsansvarleg Nora Thomsen i Dansk Svømmeunion til Danmarks Radio.

Ho har snakka med Blume i dag.

– Ho er lei seg for det som har kome ut. Ho er redd for at folk kanskje ikkje forstår at ho ikkje har gjort noko gale, og at ho derfor ikkje slepp unna mistankar, seier Thomson til BT.

For Danmarks symjepresident Pia Holmen Christensen er det ei sak som er viktig å understreke:

– Pernille har ikkje gjort noko gale, seier Christiansen til Ekstra Bladet.

– Det er Pernille som er offeret her. Og så skal ein lese at ho er dopingmistenkt. Det er pissprat, seier symjepresidenten.

At Pernille Blume brukar astmamedisin er ikkje hemmeleg. Ho har vore open om at ho fekk astma i 2010.

Siste nytt

  • Sheffield United slo Arsenal

    Etter 30 minutter sendte Lys Mousset hjemmelaget Sheffield United opp til 1-0. Det ble også resultatet. Med seieren klatrer Sheffield United opp på 9.-plass i Premier League. Arsenal gikk på sesongens andre ligatap og befinner seg på 5. plass.

    Britain Soccer Premier League
    Foto: Rui Vieira / AP
  • Hegerberg nominert til Ballon d'Or

    Ada Hegerberg er igjen nominert til Ballon d'Or, også kalt Gullballen, som regnes som den mest prestisjetunge individuelle prisen en fotballspiller kan vinne. Hegerberg vant prisen i fjor, som første kvinne noensinne.

    Fotballspiller Ada Stolsmo Hegerberg vinner "Gullballen" som årets fotballspiller under Idrettsgallaen 2017 i Hamar OL-amfi lørdag kveld.
    Foto: Jon Olav Nesvold / NTB scanpix
  • Djurgården på tabelltopp

    Djurgården, med norske Fredrik Ulvestad og Aslak Fonn Witry på laget, vant 1-0 borte mot IFK Göteborg og leder dermed Allsvenskan med tre poeng. Per Kristian Bråtveit satt på benken. Med to kamper igjen skiller kun tre poeng fjerde til førsteplass.

    fotboll, allsvenskan2019, Djurgårdens IF, IK Sirius FK, allsvenskan
    Foto: Maja Suslin/tt / NTB scanpix

Sendeplan

Kl. Program Kanal