NRK Meny
Normal

Lars Lagerbäck: 30 år i toppfotballen – men dette overgår alt

Heile Island står bak landets meisterskapsdebut. Og for trenar og spelarar overgår dette alt anna. I morgon stiller dei opp på Ullevaal.

Island er EM-klare og møter Norge på Ullevaal

Lars Lagerbäck har leia Sverige både i EM og VM tidlegare. Men å leie Island i eit meisterskap er noko heilt for seg sjølv.

– Den reisa vi har gjort desse fire åra – både leiarar og spelarar – kjennest svært spesiell. Det er eit lite land, og det betyr noko heilt ekstra, seier den rutinerte svensken, som har sagt at han gir seg etter å ha leia Island gjennom årets EM.

Fleire av dei islandske landslagsspelarane var i aksjon for sine klubblag i helga. Derfor stiller dei ikkje mot Norge i morgon.

Svekka Island – norsk sjanse

Det bør gi Norge ein god sjanse på Ullevaal.

– Ja, definitivt. Norge har eit godt lag som dessverre hadde marginane imot seg i playoffkampane mot Ungarn, seier Lars Lagerbäck. Ungarn er i Islands gruppe i EM.

Heime på Island er naturleg nok interessa enorm.

– Det er heilt eventyrleg, seier kaptein Aron Gunnarsson. – Alle veit om det, alle ser fram mot det. Alle dreg i same retning, seier kapteinen.

Han rosar også Eidur Gudjohnsson. Moldespelaren på 37 år er ein mann som har mengder av rutine i europeisk toppfotball.

– Ein gentleman

Eidur Gudjohnsen

RUTINE: Eidur Gudjohnsen (37) er har rikeleg rutine frå internasjonal toppfotball

Foto: HALLDOR KOLBEINS / Afp

– Eidur har ligameisterskap i toppligaer, han har vunne meisterligaen. Eg er berre glad han er med oss her. Og han er framleis ein god fotballspelar – han har eit kvikt fotballhovud som ikkje treng den farten han eingong hadde, seier Gunnarsson om 37-åringen, med røynsle frå mellom anna Barcelona og Chelsea.

Gudjohnsen sjølv vil heller skryte av Lars Lagerbäck.

– Han er først og fremst ein gentleman som har vore fantastisk sidan han kom til Island. Framgangen har vore god og stødig, og det har vore ei ære og ei glede å arbeide med han, seier Gudjohnsen.

Island har berre 320.000 immbygjarar, men likevel sju fotballhallar.

Då Lagerbäck kom til Island i 2012, låg Island bak Liechtenstein på FIFA-rankingen, heilt nede på 132.-plass. No er dei nr 35.

– Må spele med det vi har

– Det er ingenting hemmeleg. Det er om å gjere å jobbe med det rette, og å jobbe hardt. Eg har jobba med internasjonal fotball i 30 år, og har vel snappa opp litt. Om eg har bidratt på nokon måte, så er det vel med den erfaringa, seier den beskjedne svenske gentlemannen.

– Når du er landslagstrenar, er det lett for å bli for ambisiøs. Vi må spele med det vi har. Vi har nok ikkje tekniske spelarar som kan matche lag som Spania, Portugal og Nederland på det området. Derfor må vi møte slike lag på vår måte, vi kan ikkje slå dei på deira eigne premisser, seier Lars Lagerbäck.

Du kan høyre kampen på NRK P1 frå klokka 19.40 onsdag, og også følgje den her på NRK.no.

Siste nytt

  • Positiv b-prøve for Krusjelnitskij

    Aleksandr Krusjelnitskijs b-prøve viser spor av meldonium. Det bekrefter Russlands olympiske komite i en pressemelding. Krusjelnitskij spilte for OURs lag i mixed curling, som tok bronse.

    Hvis laget nå diskvalifiseres, blir det norsk bronse.

    Aleksandr Krusjelnitskij
    Foto: CATHAL MCNAUGHTON / Reuters
  • Curlingpar selger unna OL-utstyr

    Magnus Nedregotten og Kristin Skaslien selger unna OL-utstyr på Finn, melder Adressa. Bukser, jakker og mobiltelefoner, er blant det som selges.

    – Vi er jo de fattigste utøverne i OL, og det er en god måte å tjene inn penger, sier Nedregotten.

    Vinter-OL. Olympiske leker i Pyeongchang 2018. Curling Mixed
    Foto: Terje Pedersen / NTB scanpix
  • Sundby og Klæbo utgjør herrelaget

    Herreduoen på lagprinten består som ventet av Martin Johnsrud Sundby (1. etappe) og Johannes Høsflot Klæbo. – Jeg tror det er det sterkeste laget vi har. Martin fikk beskjed ganske kort tid etter 15-kilometeren. Han har visst hele sesongen at han er aktuell til lagsprinten, sier sprinttrener Arild Monsen, som mener Sundby og Klæbo utgjør et lag som representerer utholdenhet.

Sendeplan

Kl. Program Kanal
OL i Pyeongchang: Skiskyting mixed stafett og curling Norge - Italia
OL i Pyeongchang: Kombinert langrenn og curling Norge - Italia
OL i Pyeongchang: Curling Norge - Italia
OL-magasin
Høydepunkter fra dagen
OL-magasin
Mester mot legende i vintersport
Mester mot legende i vintersport