NRK Meny
Normal

Emil Hegle Svendsen: – Det var tungt før jul

RUHPOLDING (NRK): Emil Hegle Svendsen har trena meir enn dei fleste før denne sesongen. Men overskotet var borte. Det aktar trønderen å gjere noko med fram til VM.

Emil Hegle Svendsen i Pokljuka

OVERSKOT: Berre overskotet manglar for Emil Hegle Svendsen. Det skal han finne før VM i Holmenkollen

Foto: JURE MAKOVEC / AFP

Sjå skiskyttarsprinten i Ruhpolding frå kl 11.40.

– Juleferien har vore fin. No håpar eg at eg kan vere med og kjempe om pallplassar, seier Emil Hegle Svendsen.

Verdscupen i skiskyting er i dag i gang igjen etter julepausen, med sprint i Ruhpolding.

Svendsen hadde ikkje den heilt store førjulsesongen.

– Det var nokså tungt før jul. Eg kjende meg sliten, seier han til NRK.

Vil ha overskotet tilbake

Det vil han rette på no, med to månader att til VM på heimebane i Holmenkollen i mars.

– Med litt meir overskot framover, så kan det bli rett så bra, seier han optimistisk før dagens sprint i den tyske skiskyttarmetropolen.

Renna denne helga skulle eigentleg gått i ein annan tysk by, Oberhof. Men der var det ikkje nok snø, dermed blir det to helger i Ruhpolding i staden.

– Og her håpar eg på pallplass, seier han.

VM er det store målet

Men det er i VM i Oslo han vil ha toppforemen inne.

– Det viktigaste no er å halde seg frisk, og å ha ein god plan med tanke på overskot og trening. Samanlikna med utlendingane har eg trena meir enn nok. Dersom eg slepp opp litt fram mot VM, blir det veldig bra.

– Kva var det som ikkje fungerte før jul?

– Det fungerte bra – heilt greit jamnt over, utan noko storløp. Men det mangla litt overskot. Eg har trena mykje i sommar og haust, og merka spesielt på sprint at eg fall litt gjennom.

– Eg var ikkje sterk nok, og måtte slite veldig for å gå fort. Andre løparar sprudla meir, og det er teikn på at eg har hatt for lite overskot, seier Svendsen.

Første testen blir dagens sprint i Ruhpolding.

Siste nytt

  • Start henter ny keeper

    Med Håkon Opdal ute til sommeren, hadde Start kun én seniorkeeper. Nå har klubben hentet tyske Jonas Deumeland, har de to.

    – Med situasjonen som oppstod med Håkon, måtte vi foreta oss noe, sier sportslig leder Tor-Kristian Karlsen.

    Tor-Kristian Karlsen
    Foto: Tor Erik Schrøder / NTB scanpix
  • Felder tar over Østerrike

    Andreas Felder er mannen som skal få Østerrikes hopplandslag tilbake i verdenstoppen. Felder ble presentert av det østerrikske skiforbundet fredag.

    – Jeg er overrasket over at jeg fikk tilbudet, men ser fram til oppgaven, sier Felder.

  • Wenger ferdig i Arsenal

    Arsène Wenger (68) gir seg som manager i Arsenal. Det skriver klubben i en pressemelding. – Etter nøye vurdering og diskusjoner med klubben, føler jeg tiden er riktig for å gi seg etter sesongen, sier franskmannen, som har ledet laget i over 21 år.

    Arsene Wenger
    Foto: Adrian Dennis / AFP

Sendeplan

Kl. Program Kanal
Sport i dag
Sport i dag