– Det er berre å kaste tipset mitt i søpla

Dei tippa Leicester på nedrykk og kalla Jamie Vardy for middelmådig. No må dei ete orda sine.

Vardy

MÅLKONGEN: Jamie Vardy har hatt mykje å juble for denne sesongen. Spissen står foreløpig med 19 mål.

Foto: Darren Staples / Reuters

– Hadde eg vore skiskyttar, hadde eg nok treft ein funksjonær.

Det seier Kasper Wikestad, ekspertkommentator i TV 2, som tippa Leicester på 20. plass før sesongstart.

– Det tipset er det berre å kaste i søpla.

Kasper Wikestad

SPÅDDE NEDRYKK: Kasper Wikestad i TV 2 trur at Leicester no kan vinne Premier League, det var det få som trudde før sesongstart

Foto: Junge, Heiko / NTB scanpix

Langflate ekspertar

NRKs fotballskribent Thore Haugstad hadde også dystre spådommar for «The Foxes». 20. plass og rett ned til Championship var tabelltipset i august.

– Det er berre å legge seg langflat.

Han skreiv blant anna i sitt tips:

«Det å repetere bragden til Pearson blir dog neppe enkelt.»

– Pearson og Leicester hadde ein mirakuløs sluttspurt i fjor som gjorde at dei redda plassen. Det trudde eg ikkje dei skulle klare i år.

I Bergens Tidene tippa redaksjonen Leicester på 18. plass. I vurderinga av laget skriv dei på minussida:

Thore Haugstad

LEGG SEG LANGFLAT: NRKs fotballskribent Thore Haugstad finn liten trøst i at han ikkje er åleine om spådommen sin.

«Overpresterte i fjor. Mistet lederen Cambiasso. Få alternativer på midtbanen.»

– Eg meiner at dei overpresterte i fjor, og det gjer dei i år også, so til dei grader, seier Magnus Wikan i BT.

Den store overraskinga

Leicester har gjort alle spådommar til skamme, og har denne sesongen stått for den største overraskinga i ligafotball dei siste åra.

Med 11 kampar igjen å spele, ligg dei fortsatt øvst på tabellen, to poeng framom Tottenham. Det trudde ikkje Wikestad i august:

«Spillermateriellet er ikke helt godt nok, og det er et veldig stort spørsmålstegn ved Ranieri. »

I dag er han full av lovord om italieneren.

– Ranieri har gjort ting som er enkle, men intelligente. Eg er djupt imponert over det han har fått til.

.

Claudio Ranieri

BLIR HYLLA: Leicester-trenar Claudio Ranieri blir genierklært etter den fantastiske sesongen

Foto: Paul Childs / Reuters

«Vardy er ein middelmådig spelar»

Ein av dei som tippa Leicester høgast på tabellen, var Jens Friberg i Nettavisen. Han spådde at dei havna på 16. plass, og dermed unngjekk nedrykk.

– Det er litt godt at eg ikkje tippa på nedrykk, men ingen kunne sjå at laget skulle få ein slik oppsving. Det skulle ikkje skje, seier Friberg.

I omtalen av laget skreiv Friberg den gong at:

«Jamie Vardy, David Nugent og Tom Lawrence er alle relativt middelmådige spisser, selv om førstnevnte kan bekle flere posisjoner og trolig får mye spilletid.»

Med 19 mål so langt denne sesongen, er Jamie Vardy godt på veg til å bli toppskårar i ligaen.

– Det var ein av fleire skivebom, rett og slett ein elendig spådom

So gjenstår det å sjå om Leicester står igjen på topp etter sesongen. Ekspertane er einige om at det vil bli tidenes sjokk.

– Eg har aldri opplevd noko større sjokk, det er ein skrell av dimensjonar, seier Wikan i BT.

– Det er nok den største overraskinga i internasjonal ligafotball på denne sida av 2000-talet, seier NRK-ekspert Haugstad.

Siste nytt

  • Bayern vann supercupen

    Javi Martinez heada inn sigersmålet i slutten av første ekstraomgang og gav Bayern München 2-1 over Sevilla i supercupen mellom førre sesongs vinnarar av meisterligaen og europaligaen.

    Lucas Ocampos sende Sevilla i føringa etter 13 minutt, men Robert Lewandowski utlikna etter 34.

    15.000 tilskodarar var på tribunene i Budapest. UEFA brukte kampen som eit pilotprosjekt for å tillate publikum med tanke på gruppekampane i dei to europeiske turneringane.

    Javi Martinez, Bayern München
    Foto: Bernadett Szabo / AP
  • Rosenborg videre i Europaligaen

    Rosenborg holdt unna i Europaliga-kvalifiseringen mot Tyrkiske Alanyaspor.

    PSV Eindhoven blir dermed siste hinder for Rosenborg. Slår RBK dem venter gruppespillet i europaligaen etter 1-0-seieren over tyrkerene.

    Det skjedde lite i de første 45 minuttene.

    13 minutter ut i 2. omgang dummet Alanyaspor seg ut, og 58 minutter var spilt da Rosenborg tok ledelsen. Et svakt RBK-innlegg ble klarert rett i føttene på Anders Konradsen på bakerste stolpe, og nordlendingen kunne nærmest trille ballen i nettet fra rundt fem meters hold.

    Sju minutter senere fikk Konradsen marsjordre etter sitt andre gule kort. Det første fikk han sju minutter ut i omgangen. Tyrkerne fikk blod på tann etter utvisningen og kjørte trønderlaget hardt uten at de fikk uttelling.

    Europaleague kvalifisering, runde 3: Rosenborg – Alanyaspor (Tyrkia).
    Foto: Ole Martin Wold / NTB
  • Ruud med imponerande siger

    Casper Ruud møtte i kveld Fabio Fognini i andre runde i ATP 500-turneringa i Hamburg. Han vann kampen 2–0 i sett etter å ha vunne 6–3 6–3 i games. Det er ein utruleg sterk prestasjon, med tanke på at Fabio Fognini er rangert som nummer 15 i verda. I kvartfinalen ventar Ugo Humbert.

    ATP 500 - Hamburg European Open
    Foto: Fabian Bimmer / Reuters

Sendeplan

Kl. Program Kanal