NRK Meny
Normal

– Dei måtte ha ein røyk før kamp og i pausen

Norges semifinalemotstandar har blitt revolusjonert av ein svenske. Romanias ekstreme endring imponerer.

Tadici

KNALLHARD: Romanias tidlegare landslagssjef, Georghe Tadici.

Foto: JACQUES DEMARTHON / AFP

I kveld ventar Romanias største test etter at svenske Tomas Ryde tok over jobben som landslagssjef etter den autoritære og temperamentsfulle Georghe Tadici.

Under Tadici tok Romania aldri gull, men kjempa seg til VM-sølv i 2005.

– Dårleg kosthald og kjefting

Ifølge Norges landslagssjef Thorir Hergeirsson og NRKs handballekspert Geir Oustorp er dette nokre av grunnane til at nasjonen aldri har nådd heilt til topps.

Ryde

SUKSESS: Tomas Ryde har tatt Romania VM-semifinale mot Norge.

Foto: DRESLING JENS / Ap

– Dei har slurva med kosthald og kjefta på kvarandre når det ikkje har gått bra. Det har vore det store problemet i laget, seier Thorir Hergeirsson.

– Før kamp og i pausen måtte fleire av jentene ut og ha seg ein «blås» for å prestere bedre, fortel NRKs handballekspert Geir Oustorp.

– I tillegg har dei hatt ein trenar som er på Trefilov-nivå (Russlands landslagssjef). Tadici har ikkje vore snill med dei rumenske jentene. Fryktkulturen fører til at jentene ikkje får ut potensialet sitt, fortel Oustorp.

Under eit år etter at Ryde fekk landslagsjobben er situasjonen ein heilt annan.

– Ryde har snudd opp ned på tilbakemeldingane spelarane får. No ser det ut som dei har det meir kjekt på handballbana, seier NRKs ekspert.

Taus om utfordringane

På spørsmål om Hergeirsson er overraska over kor raskt Ryde har fått resultat med laget svarer landslagssjefen slik.

– Det vil nok svinge i periodar framover, men dei har hatt ei veldig rask utvikling. Vi veit godt kva Tomas står for: Lagånden. Han veit akkurat kva knappar han skal trykke på, seier Hergeirsson.

Neagu

HÆRFØRARMØTET: Norges Stine Bredal Oftedal og Romanias stjerne Christina Neagu møtes til kamp om VM-finaleplass i kveld.

Foto: Ruud, Vidar / NTB scanpix

– Det er heilt sikkert spelarar som fortsatt røykar både på Romania og andre lag, men dei har nok fått meir toppidrettskultur inn i troppen, seier Oustorp.

– For aust-europeiske lag har det vore positivt å få inn vest-europeiske trenarar som fokuserer på det, legg han til.

Ryde er taus om kva utfordringar laget hadde då han tok over Romania.

– Det vil eg ikkje snakke om.

– Kvifor ikkje?

– Det vil eg halde internt.

– Derfor slår Norge Romania

Sjølv om framgangen har vore enorm: I semifinalen i kveld blir Norge eit par hakk for store, trur Oustorp.

– Det er på gunn av at Norge er eit mykje bedre lag. Spelar for spelar og som lag, seier han.

PS: Romania har kun slått Norge i tre av dei siste ti oppgjøra.

  • 2009: Norge - Romania 27 - 28
  • 2009: Norge - Romania 34 - 31
  • 2009: Norge - Romania 25 - 24
  • 2010: Norge - Romania 20 - 21
  • 2010: Norge - Romania 23 - 24
  • 2011: Norge - Romania 33 - 21
  • 2013: Romania - Norge 23 - 25
  • 2013: Norge - Romania 30 - 18
  • 2014: Norge - Romania 27 - 19
  • 2015: Romania - Norge 22 - 26

Siste nytt

  • Fratatt to poeng etter sesongslutt

    Det italienske fotballforbundet har bestemt at Bari mister to poeng som følge av økonomisk rot. De faller ned fra sjette- til syvendeplass i Serie B, skriver NTB.

    Det gjør at klubben mister hjemmebanefordel i opprykkskvalifiseringen mot Cittadella.

  • Brølte for seier etter 46 poeng

    LeBron James leverte en kamp av de sjeldne med 46 poeng i nattens kamp i NBA-sluttspillet. Han bidro sterkt til at Cleveland Cavaliers slo Boston Celtics 109-99, og utlignet til 3–3 i kamper.

    Den avgjørende kamp syv spilles natt til mandag.

    LeBron James
    Foto: David Richard / Reuters
  • Martinsens IceHogs på vei tilbake

    Etter tre strake tap mot Texas Stars i AHL-sluttspillet, har Andreas Martinsen og Rockford IceHogs nå vunnet to strake kamper.

    Etter 3-1-seier i natt står det 2–3 i kamper, og Martinsens menn må vinne de to siste for å ta seg til sluttspillfinale.

    Andreas Martinsen
    Foto: Lise Åserud / NTB scanpix

Sendeplan

Kl. Program Kanal
Toppserien: Superhelg
Toppserien fotball kvinner: Røa - Arna-Bjørnar
Toppserien: Røa - Arna-Bjørnar
Toppserien: Superhelg
Toppserien: Kolbotn - Klepp
Toppserien fotball kvinner: Kolbotn - Klepp
4-4-2 med Schau og Aune
Toppserien: Superhelg
Toppserien: Stabæk - Sandviken
4-4-2 med Schau og Aune
4-4-2 med Schau og Aune