NRK Meny
Normal

– Om topputøvarane blir borte frå skiforbundet, kven skal då finansiere den neste Petter Northug?

Generalsekretær Sarah Lewis er glad Petter Northug og Norges Skiforbund har kome fram til ein avtale. Men ho er likevel kritisk til slike avtaler.

Sarah Lewis

GLAD FOR NORTHUG-AVKLARING: Men Sarah Lewis er likevel kritisk til «Northug-avtaler», og meiner det kan bli ein trussel dersom fleire går vekk frå forbundssatsing

Foto: DOUG PENSINGER / Afp

– Om ikkje topputøvarane som generere gode inntekter, held seg innan det etablerte systemet, kan ikkje forbunda makte å finansiere dei yngre utøvarane som er på veg mot toppen, seier Lewis til NRK.

– Synest du det norske skiforbundet har takla denne saka bra?

Lewis nøler før ho svarar.

– Dei kom fram til ei løysing som begge kan leve med, er hennar korte svar.

Glad Northug er tilbake

Ho er uansett glad for at Petter Nothug er tilbake i verdscupsirkuset, etter at partane skreiv under ein avtale søndag.

– Dette er godt nytt. Han er ein entertainer og ein ekstraordinær idrettsutøvar, og alle langrennsinteresserte gleder seg over at han skal vere med også dei neste åra, seier Sarah Lewis.

Men ho trur også at dersom mange topputøvarar vel same løysinga som Northug har valt, nemleg å stå utanfor skiforbundet sine opplegg, kan det bli ein trussel mot det systemet som forbundet står for.

– Også Petter Northug hadde god nytte av Skiforbundet då han var ung og framstormande for 10-15-20 år sidan, seier Lewis.

– Derfor byggjer skiforbundet på denne modellen, at utøvarane skal halde seg innanfor systemet, også når dei blir så gode at dei har gode inntektspotensial på idretten sin, seier ho.

– Kan bli ein trussel

Petter Northug jr.

HAR EI FORTID: Petter Northug hadde sjølv god hjelp av skiforbundet då han var ung og framstomande utøvar, meiner FIS' generalsekretær

Foto: Nesvold, Jon Olav / NTB scanpix

– Så om fleire superstjerner gjer det same som Petter Northug, blir det ein trussel mot systemet?

– Ja. For då blir det ikkje lenger mogeleg å finansiere dei unge.

– Kjenner du til andre topputøvarar innnan skiidretten som har planer om å gjere det same?

– Det har fleire gjort før, og dei fleste har kome tilbake i «folden» igjen. Og når vi ser på Northugs beste sesongar, kom dei då han var innanfor skiforbundets satsing.

– Så dette har også å gjere med korleis ein kan finne individuelle løysingar innanfor forbunds-systemet. Det har for eksempel Aksel Lund Svindal klart, seier Sarah Lewis.

Siste nytt

  • Ny kamp for Emil Meek

    Den norske MMA-utøveren Emil Meek skal gå sin neste kamp mot Kamaru Usman i Las Vegas 30. desember, skriver Nettavisen. MMA-journalist Farah Hannoun meldte nyheten først på Twitter fredag kveld. Meek var sist i aksjon da han UFC-debuterte med seier mot Jordan Mein i Toronto i desember i fjor.

    Meek
    Foto: Tom Szczerbowski / Reuters
  • Sørloth storspilte i dansk toppkamp

    Alexander Sørloth scoret ett og hadde tre målgivende da Midtjylland slo Horsens 4-2 og tok over tabelltoppen i Danmark. Sørloth er nå på delt tredjeplass på toppscorerlisten i den danske eliteserien med åtte mål.

    Alexander Sørloth
    Foto: Vegard Wivestad Grøtt / NTB scanpix
  • Heintz forlenget med Sarpsborg

    19-åringen Tobias Heintz skrev fredag under en ny fireårskontrakt med Sarpsborg 08. Unggutten fra Moss har hatt en god sesong og scoret tre mål for Sarpsborg 08. Den nye avtalen varer til sommeren 2019, melder klubben i en pressemelding.

    Eliteserien fotball 2017: Sarpsborg - Lillestrøm.
    Foto: Jon Olav Nesvold / NTB scanpix

Sendeplan

Kl. Program Kanal
4-4-2 med Schau og Aune
4-4-2 med Schau og Aune
4-4-2 med Schau og Aune
4-4-2 med Schau og Aune
4-4-2 med Schau og Aune
4-4-2 Eliteserien fotball: Aalesund - Kristiansund