NRK Meny
Normal

Siste kvalik-møte med Tyskland: – Så nær sensasjon som mogeleg

For 63 år sidan kom dei tyske spelarane rett frå ferie og rekna med ein lett siger over Norge. Det burde dei ikkje gjort.

Norge-Tyskland 1953

REDNING: Med tidsriktig cap ryddar Norges keeper Asbjørn Hansen opp framfor Otmar Walter og Norges Gunnar Dybwad. Det er Tysklands hittil siste kvalik-kamp på Ullevaal

Foto: NTB scanpix

Året er 1953, datoen 19. august.

I Norge er Haakon 7. framleis konge, Oscar Torp er statsminister, og prins Harald er nettopp konfirmert.

Norge og resten av Europa er i oppbyggingsfasen etter krigen. TV finst enno ikkje i kongeriket, og bil får du ikkje kjøpe om du ikkje kan dokumentere behov for det.

Gunnar Thoresen

INNSTS: Gunnar Thoresen var ein av dei store norske splearane i ettekrigsåra

Foto: Storløkken, Aage / NTB scanpix

Slik såg samfunnet ut då Norge og (Vest-)Tyskland sist møttest i ein obligatorisk kamp. Det er 63 år sidan.

«Så nær sensasjon som vel mulig»

Framfor 32.000 tilskodarar enda det 1-1 mot laget som snaue 11 månader seinare skulle bli verdsmeister. Harald Hennum scora Norges mål fem minutt før pause.

– Dette er opplagt den artigaste landskampen eg har spela, sa Hennum, som totalt spela 43 landskampar.

Men i omgangens sluttsekund utlikna Fritz Walther etter ein forsvarsglipp. Han var ein av dei største tyske fotballstjernene på 50-talet.

Ifølgje Aftenpostens referat frå kampen dominerte Norge første timen. «Vi var så nær en sensasjon på Ullevaal i går som vel mulig», skreiv signaturen sf. i Aftenposten.

Avgjerande skade

Men så vart Gunnar Dybwad skadd. Innbytarar var ikkje lov på den tida, og med 10 mann hadde Norge nok med å forsvare seg i resten av kampen.

Likevel storma publikum bana for å bere spelarane på gullstol straks kampen var slutt, ifølgje Aftepostens referat.

– Eg skal vere ærleg: Vi hadde rekna med å vinne ein lett siger. Men våre spelarar kom rett frå ferie og var ikkje samla før kampen. Det var nok uklokt, sa den tyske UK-sjefen Hans Körfer til VG. Han var misnøgd med poengtapet på Ullevaal.

Dagens to tyske uttalelser i VG forteller at våre gjester bare er opptatt med å fortelle om hvor dårlig deres eget lag spilte. Dette er vi alle enig om, men tro om ikke det hadde vært mer korrekt av tyskerne å antyde at grunnen kunne være at nordmennene ikke tillot tyskerne å spille spillet sitt.

Natland og s

Munk, kommentatorsignatur i VG

Körfer var på linje med heile det norske pressekorpset då han slo fast at midtstoppar og kaptein Thorbjørn Svenssen var Norges beste.

To av spelarane frå kampen lever enno: Gunnar Thoresen og Asbjørn Hansen. Begge har nådd den respektable alder av 96 år.

Fekk endeleg reise på kvalfangst

Returkampen i Hamburg 22. november – ein månad etter at den norske sesongen var slutt – enda med stygge 1-5 for Norge.

Thorbjørn Svenssen

ETTERSEND TIL AFRIKA: Kvalfangstskuta måtte gå medan Thorbjørn Svendsen var igjen for å spele mot Tyskland. Så fekk han reise til Afrika for å nå igjen båten

Foto: SCANPIX / SCANPIX

For Norges kaptein Thorbjørn Svenssen skapte den seine november-kampen eit spesielt problem.

Svenssen var kvalfangar av yrke og skulle vore med då kvalfangstflåten reiste sørover mot feltet i Sør-Atlanteren.

Fangstsesongen tok ubønhøyrleg til, og båtane måtte reise. Dei hadde ikkje tid til å vente på Sandefjord-spelaren.

Fotballforbundet meinte kapteinen var uunnverleg. Derfor blei han igjen og spela kampen, før han for NFFs rekning vart send med fly til Dakar i Senegal der båten og kollegaene venta, skreiv VG.

Sidan har det gått 30 EM- og VM-kvalifiseringar utan at Norge og (Vest-)Tyskland har møtt kvarandre.

  • NB: I kvalifiseringa til EM 1988 møtte Norge dåverande DDR (Aust-Tyskland) med 0-0 og 1-3 som resultat. Men elles er det berre i privatkampar Norge har hatt tysk motstand i alle desse åra.

Siste nytt

  • Danmark topp 12 på Fifa-rankingen

    Åge Hareide sitt Danmark går sju plasser oppover Fifa-rankingen og ligger nå på en 12. plass. Sverige går også sju plasser opp og legger seg på 18. plass. Island går ned en plass til 22. plass, mens Norge ligger uendret på 58. plass.

    Åge Hareide
    Foto: Terje Haugnes / NRK
  • TV 2: Thoresen på vei til KHL igjen

    Patrick Thoresen ser ut til å forlate Storhamar etter søndagens kamp mot Frisk Asker. Ifølge TV 2 skal ishockeyveteranen igjen spille i SKA St. Petersburg.

    Spilleren har selv ikke kommentert nyheten om overgangen. Thoresen spilte for SKA i perioden 2011-2015.

    GET-Ligaen i hockey 2017/18: Frisk Asker - Storhamar
    Foto: Fredrik Hagen / NTB scanpix
  • Hadde møte om Northugs oppførsel

    Landslagsutøvere i langrenn og Norges Skiforbund diskuterte Petter Northugs oppførsel i et møte tirsdag.

    Telefonmøtet ble holdt mellom enkelte personer i Norges Skiforbund og de tillitsvalgte i elitelandslagene for langrenn, skriver VG.

    Avisen skriver at flere i utøvergruppen har reagert negativt på Northugs Instagram-stunt. I tillitsmannsutvalget sitter Ingvild Flugstad Østberg, Eirik Brandsdal, Martin Johnsrud Sundby og Ragnhild Haga.

    Northug
    Foto: Carina Johansen / NTB Scanpix

Sendeplan

Kl. Program Kanal
Firenasjonersturnering håndball kvinner: Norge - Sør-Korea
4-4-2 Europa League: Rosenborg - Real Sociedad