Hopp til innhold

19-åring rasar etter skuldingar om juks – går ut mot Magnus Carlsen

Hans Niemann (19) sjokkerte sjakkverda då han slo Magnus Carlsen i ei storturnering denne veka. Like etter trekte Carlsen seg frå turneringa, og skuldingar om juks rasa mot den unge amerikanaren. No slår Niemann tilbake.

Magnus Carlsen gjør et trekk under turneringen Norway Chess

TREKTE SEG: Magnus Carlsen fekk sjakkmiljøet til å koka då han trekte seg frå storturneringa måndag.

Foto: Carina Johansen / NTB

– Å sjå helten min prøve å øydeleggje ryktet og karrieren min er utruleg skuffande. Du ser opp til nokon heile livet, og så møter du dei. Eg levde draumen min i ein dag då eg slo Magnus, men så skjedde dette, seier Niemann i eit intervju med arrangøren i storturneringa i St. Louis.

Etter at den norske stjernespelaren med kvite brikker gjekk på eit svært overraskande tap mot amerikanaren Niemann, trekte Carlsen seg frå turneringa. Måten han gjorde det på får Niemann til å reagere.

– Eg har alltid likt å spele i Sinquefield og eg håpar å komme tilbake i framtida, skreiv Carlsen på Twitter.

Han hadde og lagt ved eit YouTube-klipp av fotballmanageren José Mourinho som seier: «viss eg snakkar, kjem eg i kjempetrøbbel».

Det meiner Niemann var ein tydeleg insinuasjon på juks.

– Etter kampen la Magnus ut tweeten, med openberre insinuasjonar og så hoppar alle på. Det faktum er at han gjorde det på den måten utan å seie noko, han visste kva insinuasjonar som ville følgje. Det er tusenvis av tweets med folk som angrip meg, seier Niemann.

Verken Magnus Carlsen eller pappa og manager Henrik Carlsen ynskjer å kommentere saken.

Les også: Rystet av Carlsen-beskjed: – Virkelig? Det er ganske latterlig

Magnus Carlsen
Magnus Carlsen

Innrømmer juks

Etter at Carlsen trekte seg kom den tidlegare erkerivalen til nordmannen, og Niemanns landsmann, Hikaru Nakamura med nye skuldingar. På Twitch-kanalen sin meinte Nakamura at Carlsen trekte seg frå turneringa fordi Niemann juksa.

Han sa også at Niemann vart utestengd frå nettsida Chess.com, der det blir spelt sjakk over nettet, på grunn av juks.

No innrømmer Niemann at dette stemmer, og at han juksa to gonger i kampar online.

– Då eg var 12 år spelte eg ei turnering med ein venn. Vi hadde eit nettbrett med ein sjakkcomputer, og han byrja å gi meg trekk frå han. Det var i ei turnering med prispengar. Fire år seinare, då eg var 16, ville eg berre få høgare rangering på Chess.com så eg kunne spele mot betre spelarar. Så eg juksa i tilfeldige kampar utan prispengar på Chess.com. Eg vart konfrontert med det, og eg tilstod. Det er den største tabben i livet mitt og eg skammar meg, fortel Niemann.

Hikaru Nakamura

SKULDINGAR: Hikaru Nakamura retta skuldingar om juks mot Hans Niemann.

Foto: Lennart Ootes / FIDE

Han insisterer på at han ikkje ville juksa i ein ekte kamp.

– Eg går ut med dette no, og det øydelegg kanskje ryktet mitt for alltid, men eg vil at folk skal vite sanninga. Eg skammar meg veldig, men hugs at eg var 16. Eg ville ikkje skade nokon, og dette var tilfeldige kampar. Eg kunne aldri gjort det i ein ekte kamp, seier Niemann.

Opnar for å bli sjekka før kamp

Niemann er framleis med i storturneringa i St. Louis, og leier førebels med eit halvt poeng ned til andreplass. Skuldingane om juks på nettet har no også ført til skuldingar om juks over brettet, men amerikanaren opnar for alle måtar å motbevise det på.

– Dei kan gjere kva sjekk som helst på meg før kampane. Dei kan knyte meg til ein stol heilt naken om dei vil. Eg bryr meg ikkje, eg gjer det. Eg veit eg er rein. Eg kan spele i ein lukka boks som blokkerer elektrisitet. Berre sei kva de vil eg skal gjere, seier Niemann.

Konkurrent Maxime Vachier-Lagrave, som speler turneringa i St. Louis, og er rangert som nummer 12 i verda akkurat no, forsvarer Niemann.

– Eg synest dette har vorte til ei heksejakt, og effekten det kan ha på Hans er knusande. Eg veit ikkje om han har juksa, men basert på informasjonen eg har no trur eg ikkje det, seier franskmannen.

TREKTE SEG: Magnus Carlsen trekte seg frå turneringa i St. Louis etter tapet mot Niemann.

Foto: ARUN SANKAR / AFP

No hevdar Niemann at han er utestengd frå Chess.com som følgje av utsegnene til Nakamura og Carlsen, og at han blir nekta å delta i den store onlineturneringa Global Chess Championship på nettsida.

– På grunn av kampen mot Magnus og på grunn av det han sa har dei fjerna meg fullstendig frå nettsida. Eg kjem ikkje til å la Chess.com, Magnus Carlsen og Hikaru Nakamura – kanskje dei tre største delane av sjakken, øydeleggje ryktet mitt. Spørsmålet er kvifor dei fjerna meg frå Chess.com rett etter at eg slo Magnus, seier han og hevdar han ikkje har fått ei grunngiving for utestenginga.

– At dei har valt å hoppe på Magnus' insinuasjonar og Hikaru sine veldig direkte skuldingar – eg synest det er veldig urettferdig og eit direkte angrep. Dei har berre gjort dette på grunn av det Magnus og Hikaru har sagt.

Siste nytt

  • Malmö-stjerne utestengt for å ha hetset dopingkontrollør

    Pontus Jansson, stjernestopper i Malmö, er av Sveriges fotballforbund utestengt i to kamper for å ha forulempet en dopingkontrollør.

    32-åringen ble anmeldt for å ha ytret seg på forulempende og utilbørlig måte mot en dopingkontrollør, og for ikke å ha etterkommet kontrollørens anvisninger.

    – Vi konstaterer at Pontus Jansson gjennomførte dopingkontrollen i tråd med gjeldende regler, men hans oppførsel mot kontrolløren utgjør en straffbar forseelse, står det i disiplinærutvalgets avgjørelse, ifølge Fotboll Skåne.

    – Vi er ikke enige i beskrivelsen av hendelsen, og vi har levert en anke, sier Malmös sportssjef Daniel Andersson.

    Om straffen blir stående, må den tidligere Torino-, Leeds- og Brentford-spilleren stå over kamper mot Brommapojkarna og Kalmar.

    (©NTB)

     Pontus Jansson
    Foto: CHRISTOPHE SIMON / AFP
  • Liverpool-eier selger minoritetsandel av klubben – trenger hjelp til nedbetaling av gjeld

    Det globale investeringsfirmaet Dynasty Equity har kjøpt en mindre aksjepost i fotballklubben Liverpool av Fenway Sports Group (FSG).

    FSG har lenge søkt etter investeringer utenfra. Gruppen benektet i fjor at klubben er til salgs, og den nyeste utviklingen skal i stedet hjelpe klubben med å betale ned gjeld.

    – Vi er like tydelige som tidligere på vår langsiktige forpliktelse til Liverpool, sier FSG-president Mike Gordon.

    Bortfall av inntekter under pandemien skal være blant årsakene til at klubben har pådratt seg mer gjeld enn de er komfortable med å bære.

    Forbedringer av klubbens stadion og treningsanlegg skal også ha vært bidragsytende.

    – Vi har til enhver tid sagt at vi har vært ute etter en investeringspartner som kan hjelpe å sikre klubbens økonomiske styrke og framtidige vekst. Vi ser fram til samarbeidet med Dynasty, sier Gordon.

    (©NTB)

    Liverpool
    Foto: NTB
  • Jørgensen forlenget med Odd: – En nøkkelspiller

    Filip Jørgensen (21) har skrevet under på en ny kontrakt med Odd. Han knytter seg til eliteserieklubben fram til 2027.

    Det bekrefter klubben på sine nettsider.

    – Vi er utrolig stolte over at en av våre lokale gutter, Filip, har valgt å forlenge kontrakten sin med oss. Han har vist en fantastisk innsats og har vært en nøkkelspiller for oss. Vi ser fram til å se hva fremtiden bringer og er overbevist om at Filip vil fortsette å ta nye steg i Odd, sier sportssjef Morten Rønningen.

    Jørgensens tidligere kontrakt strakte seg fram til 2024.

    (©NTB)

    Eliteserien i fotball 2023: Bodø/Glimt-Odd
    Foto: Mats Torbergsen / NTB

Sendeplan

Kl. Program Kanal
Sportsvideoer
Spiller nå
Hovland med hole-in-one - bilder med tillatelse fra Viaplay 01:16
Neste