NRK Meny
Normal

17 renn, 17 sigrar, 38 pallplassar: Tidenes dominans i verdscupen

Dei tyske kombinertløparane har gjort reint bord og vunne alle individuelle kombinertkonkurransane i verdscupen i vinter.

Tysk kombinert-dominans

HAR VUNNE ALT: Desse tre tyskarane har til saman gått til topps i alle renna i verdscupen i vinter

Foto: Heikki Saukkomaa / AP

Då Johannes Rydzek gjekk først over målstreken i neste års OL-trase i Pyeongchang sist søndag, tok han Tysklands 17. individuelle verdscupsiger av 17 mogelege.

Og det stansar ikkje der:

  • I 16 av 17 renn har det vore to eller tre tyske løparar på pallen.
  • 38 av 51 pallplassar har gått til Tyskland. Andre land har til saman måtte nøye seg med 13.

Det er ein dominans som er uslåeleg, og som neppe har sitt sidestykke i verdscupen i nokon vinteridrett.

– Alle pushar kvarandre

– Tyskland har fått fram eit utruleg sterkt lag, med mange svært gode utøvarar både i bakken og i løypa. Når du får eit så høgt nivå på alle i eit lag, pushar alle kvarandre. Dei er langt framfor dei andre nasjonane, seier Bjarrte Engen Vik til NRK.

Vik tok OL-gull i Nagano i 1998 og blei individuell verdsmeister både i 1999 og 2001. Han følgjer framleis med på sin gamle idrett.

– Dei tyske løparane har sett ein standard for korleis det skal gjerast. Eg håpar både Norge og dei andre let seg inspirere.

Ingen trussel mot kombinert-sporten

Mykje er sagt om at den norske langrennsdominansen dei siste åra til tider har vore så stor at det er ein fare for interessa for sporten. Men den tyske kombinert-dominansen er større enn Norges langrennsdominans nokosinne har vore.

– Er det ei skadeleg utvikling for kombinert?

– Nei, ikkje så lenge det er Tyskland som dominerer. Det er ein så viktig nasjon å ha med at det tvertimot kan vere ein fordel. Der er det store aktørar som kan gå inn med midlar, og tysk tv får opp interessa for sporten. Det viser seg også på publikumsinteressa i Mellom-Europa. For det er stor idrett det Tyskland driv med.

Dei norske manglar stabilitet

Han trur ikkje Norge kan hente inn dette, iallfall ikkje på kort sikt.

– Norske utøvarar kan få enkeltresultat, men er ikkje i nærleiken av å ha nokon som er like stabil som tyskarane. Det er i alle fall for kort tid igjen til VM. Men eg håpar dei lærer og let seg inspirerer av det Tyskland får til som nasjon, seier Bjarte Engen Vik.

Siste nytt

  • Mowinckel nummer to etter utforen

    Ragnhild Mowinckel ligger på andreplass i OL-superkombinasjonen. Hun er 74 hundredeler bak Lindsey Vonn, som leder før slalåmdelen.

    Sveitsiske Michelle Gisin er nummer tre, fire hundredeler bak Mowinckel.

    Slalåmen starter klokken 07.00.

    Foto: Martin Bernetti / AFP
  • Norendal nummer seks i Big Air

    Silje Norendal endte på sjetteplass i finalen i Big Air. Hun klarte ikke å lande et triks helt perfekt, og endte med 131.50 poeng-

    Østerrikske Anna Gasser vant etter et kjempehopp i siste omgang. 185 poeng holdt til seier foran Jamie Anderson (USA).

    Silje Norendal
    Foto: Lise Åserud / NTB scanpix
  • – Russere leverer tilbake bronse

    Ifølge det russiske nyhetsbyrået TASS leverer de russiske curlingspillerne Alexander Krushelnitsky og Anastasia Bryzgalova tilbake OL-bronsen i mixed curling, etter en positiv dopingprøve. Det kan bety at det norske curlingparet får bronse likevel.

    Bronse
    Foto: Martin Bureau / AFP

Sendeplan

Kl. Program Kanal
OL i Pyeongchang: Slalåm 2. omgang, menn
OL i Pyeongchang: Alpint kombinasjon slalåm, kvinner
OL i Pyeongchang: Kombinert laghopp
OL i Pyeongchang
OL i Pyeongchang: Kombinert langrenn, stafett
OL i Pyeongchang: Skiskyting, stafett kvinner
OL i Pyeongchang
OL-magasin
Høydepunkter fra dagen
OL-magasin