Håpar nokre av russarane får vere med

Ti russiske utøvarar har søkt om å få delta i EM, trass i at Russland er utestengt frå meisterskapet. Det blir jobba på spreng for å behandle søknadane.

Russisk friidrettsjubel

VENTAR PÅ SVAR: Medan russiske friidrettsutøvarar jubla etter det russiske meisterskapet, ventar 10 av dei på svar på om dei får delta i EM

Foto: SERGEI KARPUKHIN / Reuters

– Ja, det er kome ti søknader, stadfestar presidenten i det europeiske friidrettsforbundet Svein Arne Hansen overfor NRK.

Det internasjonale friidrettsforbundet vedtok 17. juni å forlenge utestenginga av russiske utøvarar frå internasjonale konkurransar – ei utestenging som vart innleia i november som ein reaksjon på den systematiske dopinga som vart avslørt i russisk idrett.

– På vårt siste styremøte sa vi at vi ville tillate russarar og andre som treng det, å søkje om å få lov til å delta. Den første konkurransen dei kunne søkje på, er EM her i Amsterdam, seier Hansen.

EM-opning i dag

Svein Arne Hansen

HÅPAR: Sein Arne Hansen ser gjerne at iallfall nokre av russarane slepp gjennom nålauget og får delta i EM

Foto: Ruud, Vidar / NTB scanpix

Søknadene skal behandlast av det internasjonale friidrettsforbundet, IAAF. Og det må skje raskt, for EM opnar i dag.

– Dei som ser gjennom søknadane, jobbar hardt akkurat her og no, og eg håpar at vi kan erklære at nokon av dei russarane som har søkt, får vere med. Det ville gledd oss, seier han.

Men det er slett ikkje sikkert at det vil skje. Ein representant frå IAAF seier til telegrambyrået Ap at det er lite truleg at nokon av dei ti får grønt lys for deltaking.

Av omsyn til at prosessen framleis er i gang, vil IAAF-representanten vere anonym.

Klokka 08.30 i dag tidleg var ingen annan russar enn Julia Stepanova på startlistene for EM. Stepanova får vere med fordi det var ho som varsla om den omfattande russiske dopinga, eit varsel som førte fram til granskinga.

80 russarar søkjer om OL-start

Russisk friidrett er også utestengd frå OL i Rio i august på same vilkår. Her har over 80 utøvarar søkt om å få delta.

I dag har Russland teke ut ein tropp på 68 friidrettsutøvarar til Rio-OL, trass i at dei per dags dato er utestengde. Men Russland har anka utestenginga inn for den internasjonale idrettsdomstolen CAS, som behandlar dette som ei hastesak og har lova svar 21. juli–15 dagar før OL-opninga.

Siste nytt

  • Zlatan kan bli trippel prisvinner

    Zlatan Ibrahimovic er nominert i tre forskjellige kategorier under MLS Awards. Han kan blant annet bli kåret til årets mest verdifulle spiller. Han er også nominert i kategoriene Årets nykommer og Årets comeback i den amerikanske proffligaen.

    MLS Red Bulls Galaxy Soccer
    Foto: Chris Carlson / AP
  • Bolt tilbys kontrakt på Malta

    Usain Bolt skal være tilbudt en toårskontrakt av den maltesiske fotballklubben Valletta FC. Kontrakten inkluderer spill i klubbens kommende cupfinale, og ifølge klubbdirektør Ghasston Slimen handler tilbudet «om å skrive historie».

    Australia Soccer Bolt
    Foto: Rick Rycroft / AP
  • United-aksjene stiger etter rykter

    Rykter om at Saudi-Arabias kronprins Mohammed bin Salman vurderer å kjøpe Manchester United har sendt klubbens aksjekurs opp 5 prosent, ifølge Sky News. Glazer-familien, som har eid Manchester United siden 2005, har ikke kommentert saken.

Sendeplan

Kl. Program Kanal
Morgensport og musikk
Morgensport og musikk
NRK Sport Live
NRK Sport Live
NRK Sport Live
Sport i dag
Sport i dag
Nasjonsligaen: Norge - Bulgaria