Siste nytt

  • Avslutning på det jamne for Hovland

    Viktor Hovland gjekk sisterunden i golfturneringa i California på par søndag. Dermed enda han på 10 slag under par totalt.

    Han hadde fire birdiar og fire bogeyar på den avsluttande runden.

    Då han var ferdig, låg han på 48.-plass, men mange var enno ikkje ferdig med runden.

    Viktor Hovland
    Foto: Ezra Shaw / AFP
  • Junker-dobbel bak ny Glimt-siger

    Bodø/Glimt slo tilbake etter tapet for Molde sist helg, og slo Mjøndalen 2-0.

    Mjøndalen baud Glimt på god motstand, men Kasper Junkers to mål gav serieleiaren tre nye poeng, og framleis 16-poengsleiing på tabellen når åtte kampar står att.

    Det første kom på straffe etter 16 minutt. Junker måtte bruke to forsøk, men scora sitt 13. mål for sesongen.

    Det 14. kom midt i andre omgang då Mjøndalen jakta utlikning. Junker runda alle, også keeper, og trilla inn 2-0.

    Mjøndalen ligg dermed framleis på nestsisteplass.

  • Vardy senka Arsenal

    Jamie Vardy stupte inn kampens einaste mål ti minutt før slutt og gav Leicester 1-0 i bortekampen mot Arsenal.

    Målet første Leicester opp på fjerdeplassen, berre eitt poeng bak ligaleiar Everton.

    Jamie Vardy
    Foto: Catherine Ivill / Reuters

Sendeplan

Kl. Program Kanal