Minnesota-tap utan Zuccarello
Mats Zuccarellos Minnesota Wild gjekk på det første tapet i sesongoppkøyringa heime mot St. Louis Blues i ein treningskamp i NHL. Gjestene vann 4–2.
Det var Wilds tredje treningskamp for sesongen. Zuccarello var for andre kamp på rad ikkje på isen for Minnesota-laget.
Wild vann begge sine to første treningskampar denne sesongen. Den første mot Dallas Stars enda 5–2 til Wild, der Zuccarello noterte seg med ei scoring.
Nordmannen var ikkje i Wild-troppen i kampen mot Chicago Blackhawks, som enda 3–0 til Zuccarellos lagkameratar.
Wild spelar sin neste treningskamp mot Blackhawks natt til fredag. Seinare i oppkøyringa møter dei Stars igjen, før dei sesongopnar i NHL mot Zuccarellos gamleklubb, New York Rangers, 13. oktober.
