OL 2032 til Brisbane
IOC har som venta tildelt OL 2032 til Brisbane i Australia.
Brisbane var tilrådd av IOCs utveljingskomité som skulle vurdere ulike kandidatar. IOC-kongressen tok den formelle avgjerda i dag.
Brisbane er den tredje største byen i Australia, og ligg heilt aust i landet. Begge dei to største byane har arrangert OL tidlegare, Melbourne i 1956 og Sydney i 2000.
Mumbai (India), Jakarta (Indonesia), Doha (Qatar), Madrid (Spania) og det tyske Ruhr-distriktet hadde alle gitt interesse for å arrangere OL i 2032.
Ifølgje komiteleiar Kristin Kloster Aasen ligg dei fleste av desse i potten også når IOC skal bestemme arrangør av leikane i 2036 og 2040, og kanskje også endå lenger fram i tid.
Sommar-OL i 2024 skal gå i Paris, og i Los Angeles i 2028.