To nye av Haaland – enda på 27
Erling Braut Haaland scora to av måla då Borussia Dortmund avslutta ligasesongen med 3-1 over Leverkusen laurdag.
Haaland sette inn 1-0 etter berre fem minutt, og var også mannen bak 3-0 seks minutt før full tid.
Etter kampen bytta nordmannen drakt med hovuddommaren Manuel Gräfe, som er tvinga til å leggje opp på grunn av alderen.
Haaland enda med 27 ligamål i sin første heile sesong for Dortmund, som kom på tredjeplass på tabellen. Det inneber meisterligaspel komande sesong.