Norge ute av curling-VM
Norge tapte 6-7 for Skottland i den siste kampen i VM i Curling i Calgary, og er slått ut. Steffen Walstads menn greidde heller ikkje å bli direkte-kvalifisert til OL.
Norge leia 5-2 etter sju omgangar, og alt såg lyst ut. Men i den åttande gjekk det heilt gale. Norge tapte 0-4 og låg brått under 5-6.
Dei utlikna i den niande omgangen, men skottane hadde sistestein i siste omgang og avgjorde.
Norge enda dermed på sjuandeplass i VM, etter å ha blitt forbigått av Sveits, som slo Kina.
Berre dei seks beste er direkte klare for OL. Dermed må Norge gjennom ei ekstra kvalifisering i desember for eventuelt å kome til OL i Beijing i februar. Der er det tre plassar å kjempe om.
Norge opna VM sterkt, men tapte sine fem siste kampar. Dei enda på sju sigrar og seks tap.