Nordmann surra bort dansk pokal
Den årlege vandrepokalen som i 64 år er blitt gitt til beste spelar i den danske cupfinalen, var borte då finalen blei spela onsdag. Norske Gustav Wikheim er «syndaren», skriv Ekstrabladet.
Wikheim fekk pokalen i fjor, då han spela for Midtjylland. Han tenkte ikkje på at det var ein vandrepokal.
Derfor blei pokalen pakka godt ned då Wikheim seinare gjekk til ein klubb i Saudi-Arabia, og kunne ikkje finne pokalen igjen.
– Eg flytta dit og kjærasten til Norge. Pokalen ligg nok på botnen av ei kasse i eitt av flyttelassa, seier Wikheim til avisa.
Dermed måtte det kjøpast inn ny pokal til årets finale, der Sønderjyske slo Aalborg 2-0.