NRK Meny
Normal

– Har ein fysisk form som er uvanleg

Landslagssjef Roy Johansen er full av lovord om Olimb-brørne framfor Norges kamp mot Tsjekkia i ishockey-VM i ettermiddag.

Ken Andre og Mathis Olimb

STERKE BRØR: – Dei har ein fysisk form som er uvanleg i lagidrett, seier landslagssjefen om Ken Andre (t.v.) og Mathis Olimb

Foto: Roald, Berit / NTB scanpix

Laster innhold, vennligst vent..

– Dei er gjennomtrena frå stortåa og opp, seier Johansen om brørne Ken Andre og Mathis Olimb, som i to kampar på rad har scora kvart sitt mål.

– Dei trenar svært godt og er blant dei mest seriøse utøvarane vi har i Norge. Det er ingen som tek idretten sin så seriøst og jobbar så hardt. Og det har dei gjort i veldig mange år.

Norge har hatt stigning i VM. Etter 0-3 for Danmark i opningskampen, vart det 4-3 etter forlenging mot Sveits og 4-2 over Kasakhstan. Det betyr fem poeng og ei bra luke ned til sisteplass og nedrykk i den jamne gruppa.

Topplag på rekke og rad

Men det er framleis fire grunnspelkampar att, og der møter Norge tradisjonelle topplag på rekke og rad: Tsjekkia i dag, Sverige laurdag og heimelaget Russland måndag. Latvia er siste motstandar 17. mai.

Der blir rekka med Olimb-brørne og Mats Rosseli Olsen uhyggeleg viktig.

– Dei har ein fysisk form som er uvanleg i lagidrett, seier Roy Johansen til NRK.

Roy Johansen

SKRYT: Roy Johansen må lite på Olimb-rekka i årets VM

Foto: Grøtt, Vegard Wivestad / NTB scanpix

– Kva meiner du med det?

– Dei orkar å spele i eit høgt tempo mange dagar etter kvarandre, kamp etter kamp, bytte etter bytte. Og dei har ein god kjemi saman og finn kvarandre godt, seier landslagssjefen.

Frå hausten skal dei også spele i same klubb, svenske Linköping.

– Trener på seg sjølvtillit

Han rosar Kim Andre og Mathis også for måten å takle motgang.

– Uansett om dei har hatt ein litt trøblete sesong, som Mathis har hatt no, så har dei klart å byggje seg opp og trene på seg sjølvtillit. Så går dei inn i meisterskapet her slik dei har gjort no, seier Johansen.

Tsjekkia leier Norges gruppe før dagens kampar. Dei opna med 3-0 over heimelaget Russland, måtte bruke tilleggstid for å slå Latvia 3-2, og snudde 0-2 til 4-2 mot Sverige.

Berre tre mann på Tsjekkias lag i år kjem frå NHL. Dei fleste kjem frå den Russland-baserte ligaen KHL.

Norge har slått Tsjekkia berre in gong – 3-2 i VM i 2010. Det er blitt ni tap.

Laster innhold, vennligst vent..

Siste nytt

  • Northugs manager alvorlig skadd

    Are Sørum Langås, manager til Petter Northug, har tilbrakt ti dager på sykehus etter en alvorlig fallulykke, melder VG. Avisen skriver at ulykken skjedde da han skulle gjøre arbeid på sin nye hytte. Langås ble utskrevet fra sykehuset søndag. Han pådro seg flere brudd i begge armer, i ansiktet og hodeskallen.

    Are Sørum Langås
    Foto: Vegard Wivestad Grøtt / NTB scanpix
  • Yates beholdt ledertrøya

    Tom Dumoulin knappet innpå Simon Yates i Giro d'Italia, men briten beholder den rosa ledertrøya. Etter dagens tempoetappe er Yates 56 sekunder foran Dumoulin og 3:11 foran Domenico Pozzovivo i sammendraget. Rohan Dennis vant tempoetappen.

    CYCLING-ITA-GIRO
    Foto: LUK BENIES / AFP
  • Tøff VM-trekning for ishockeygutta

    Norge skal spille i gruppe B i neste ishockey-VM i Slovakia. Ishockeygutta skal ut mot Sverige, Russland, Tsjekkia, Sveits, Latvia, Østerrike og Italia.

    – En tøff gruppe sett med norske øyne, med VM-vinnerne fra Sverige og tapende finalist Sveits, var landslagssjef Petter Thoresens reaksjon overfor NTB etter at gruppefordelingen ble klar.

    VM i ishockey 2018
    Foto: Tore Meek / NTB scanpix

Sendeplan

Kl. Program Kanal