– Det blir veldig kjekt. Det er dette vi trenar for. Eg føler det har sett bra ut i sesongoppkøyringa, så vi håpar på å gjere det bra allereie søndag, seier Taraldsen til NRK.no.
Er i rute
I fjor vart laget nummer åtte på tabellen. I år har kristiansandsjentene ambisjonar om å klatre på eliteserietabellen - å bli blant dei fem beste er målet.
LES OGSÅ: Tøff serieopning for Vipers
– Vi har trent godt og det verkar som om alle vil gje alt. Eg føler vi er i rute, seier kapteinen.
Vipers har sikra seg fleire forsterkingar føre 2010/11-sesongen. Den danske landslagsspelaren Louise Pedersen signerte i vår. I tillegg har den svenske strekspelaren Emma Jonsson skrive under for sørlendingane.
Har styrka laget
I tillegg er Ida Marie Aa frå Randesund tilbake i Vipers. Også ei gravid Kristine Lunde Borgersen har skrive under. Men det er uvisst kva ho kan bidra med.
LES OGSÅ: Kikki hjem til Vipers
– Vi har litt færre spelarar i troppen, men dei vi har fått inn er veldig bra. Det gjer at vi har endå meir å spele på. Til dømes er Emma veldig god. Louise er ein veldig god dansk, rutinert høgreving. Det er også fleire som har komme inn og har styrka laget. Vi har eit betre lag på papiret i alle fall, seier ho.
Søndag møter kristiansandarane Levanger på bortebane. Trøndarane vart nummer ni i fjortårets serie - plassen bak Vipers Kristiansand.
Tøff motstandar
– Det verkar som dei har omtrent det same laget som i fjor, pluss at dei har fått litt forsterkingar, fortel Taraldsen.
– Dei har vist seg å vere ganske tøffe på heimebane, men dersom vi er på vårt toppnivå meiner eg vi skal slå dei fint, seier Vipers-kapteinen.