Allereie til pause hadde vestfoldingane opparbeidd seg ei solid 18–10 leiing.
– Det er sjølvsagt tøft å spele mot Larvik. Vi må berre ha fokus på arbeidsoppgåvene våre og prøve å jobbe vidare med dei, seier strekspelar Susann Iren Hall til NRK.
Kvilte stjerner
Larvik er inne i ein tøff periode med mange kampar. Klubben har tapt to strake kampar i Meisterligaen og må vinne til helga for å halde liv i draumen om avansement.
Mot Vipers spara Larvik-trenar Ole Gustav Gjekstad fleire av nøkkelspelarane sine. Landslagsstjernene Anja Edin og Karoline Dyhre Breivang var blant spelarane som såg store deler av oppgjeret frå benken, utan at det prega Larvik sine prestasjonar.
I andre omgang heldt laget oppe trykket og vann til slutt 37–19 over Vipers Kristiansand.
– Vi blir straffa
– Vi blir straffa for feila vi gjer, seier Hall.
– Dette er eigentleg ein bonuskamp. Vi har viktige kampar føre oss no, så vi må berre mobilisere kreftene, seier strekspelaren til Vipers.