– Vi har ambisjonar om å vinne, men vi møter eitt av laga som er vanskelegast å finne tilbake vinnarforma mot, seier Gautestad til NRK.
– Dei har sett veldig sterke ut og er ein av mine favorittar til å vinne i år, seier trenaren.
To strake tap
ØIF Arendal opna sesongen bra med to sigrar mot Stord og Drammen på bortebane. I den første heimekampen vart det tap mot Runar. I åttendelsfinalen i cupen vart det tap borte mot Stord.
Haslum toppar tabellen før kveldens kamp.
- LES: – Vi kan slå alle
– Vi får ei megastor utfordring, men vi har gjort det før i Haslum og har ambisjonar om å gjere det igjen, seier han.
Haslum har vunne alle sine tre første kampar i eliteserien. I sist kamp slo dei Bækkelaget 32–26 på bortebane.
Arendalittane har slite med forsvarsspelet dei siste to kampane. Gautestad har hatt spesielt fokus på den defensive delen på dei siste treningane.
– Må vere på topp
– Det har vore kjenneteiknet for ØIF dei siste sesongane. Vi har vore leiande i Norge på forsvar- og målvaktspel. Det må vi finne tilbake til. Det har ikkje vore av aller beste merke så langt i sesongen, seier Gautestad.
- SJÅ: Eliteserietabellen
– Skal vi ha ambisjon om å vinne må det vere på topp i dag, seier han.
Kampstart i Nadderudhallen er klokka 19.00.