Start-duo frå Molde vil lage trøbbel for Skullerud

– Det blir veldig spesielt å møte Molde. Eg har jo vore i klubben nesten heile livet, seier Rindarøy til NRK.

– Eg gler meg veldig. Det kjem til å bli artig, men og litt spesielt, seier Hollingen.

Vestlendingane har gått rett inn i startoppstillinga til Mons Ivar Mjelde. Dei angrar ikkje på at dei heiv seg på flyet då Start viste interesse.

– Eg hadde nok neppe fått noko særleg med speletid i Molde. I Start har eg fått seks kampar allereie. Det har vore veldig positivt, seier Hollingen.

• Les også: Bomskuddet har gått verden rundt

Har vunne to av dei fire siste

På papiret skal Molde vere eit langt betre lag enn Start, og må finne seg i å vere soleklare favorittar.

Dei er regjerande seriemeister, og har truleg brei nok stall til å stille to lag som kan hevde seg i eliteserien.

Men Start har faktisk vunne to av dei fire siste kampane mot Molde på Aker stadion. Det gjer håp om poeng søndag kveld.

– Det er alltid gode moglegheiter. Kjem vi opp på toppnivået vårt kan det bli ein jamn kamp, seire Rindarøy, som kan komme til å møte bror sin Knut Olav i søndagens kamp.

– Det blir veldig artig. Vi har spelt mykje saman, så vi kjenner kvarandre naturleg nok godt som fotballspelarar, seier han.

• Les også: Nå er de fullverdige Start-spillere

Cupfiasko motiverer

Kampen i Molde er den første etter cupfadesen mot Vindbjart tidlegare denne veka. Start vart rundtspelt og audmjuka då dei tapte 0-4 mot 2. divisjonsklubben.

– Vi skal prøve å bruke det som motivasjon til å gjere det bra, seier Hollingen.

– Vi er veldig revansjesugne etter cupbomba, seier Rindarøy.

Molde tapte sin førre seriekamp borte mot Viking. Start slo Tromsø på heimebane i sin siste kamp i eliteserien.