Dermed kunne soknet enda opp med to kvinnelege prestar.
– Kan ikkje skade
I bispedømmerådet vart det eit knapt fleirtal for å halde på oppfordringa. Olsen måtte bruke dobbeltstemma si då det vart 5–5 i avstemminga. Dei andre ville opne for å droppe kvinneoppfordringa i enkelte spesielle tilfelle. Då sette leiaren ned foten.
– Om der er to kvinnelege prestar ein stad. Kva skader gjer det tenkjer eg, seier leiar i bispedømmerådet Jan Olav Olsen til NRK.no.
Olsen er klokkeklar på at kvinneprosenten skal opp i Agder og Telemark.
– Vi må sjå heilskapen i dette. Gjer vi for mange unntak vert dette veldig spesielt. Vi må ha nokre faste formular som vi må bruke, seier han.
For få kvinner
– Vi har 23 prosent kvinnelege prestar i bispedømme. Det er for lite, legg han til.
Leiaren understrekar at dei ikkje har sett eit prosentmål for talet på kvinnelege prestar.
Berit Bjørnerud som er vald inn i bispedømmerådet for prestane, er nøgd med at bispedømmerådet held fast på målet om å få fleire kvinner.
– Det er eit kjempeviktig signal å gi til kvinner at vi ynskjer fleire kvinner, seier ho til NRK.no.