– Vi skal passe på at det vert veldig mykje raudt og svart på tribunen i Oslo Spektrum. Det kan eg love, seier han.
- Les også: ØIF Arendal klar for cupfinalen
Møter Bodø i finalen
Onsdag kveld sikra ØIF Arendal sin første cupfinale nokosinne då dei slo Elverum 26–23 heime i Arendal. Over 2500 tilskodarar skapte ei fantastisk ramme rundt semifinalen.
I finalen ventar Bodø, som også skal spele sin første cupfinale.
Etter kampen omfamna spelarane kvarandre i vill jubelrus til ståande trampeklapp frå eit heimepublikum i ekstase. Trenar Marinko Kurtovic trur ikkje laget hadde klart å spele seg til finale utan støtta frå tribunen.
– Dei støttar oss fantastisk bra dei siste minutta av kampen då vi sleit veldig. Publikum fekk fram den siste energien i gutane. Alle fortener denne sigeren, seier Kurtovic.
– Vi skal dominere
Allereie før semifinalen fekk klubben spørsmål om transport til cupfinalen. Men klubben ville sikre finaleplass før dei starta å planlegge ein Oslo-tur.
– Vi har vore veldig bevisst på at finalen skulle sikrast først. No er den sikra, og då set vi i gang, seier Per Carsten Michelsen.
Keeper Svenn Erik Medhus er sikker på at mange vil ta turen for å støtte laget i cupfinalen mot Bodø.
– Stemninga vert som i semifinalen. Vi skal dominere på bana og vi skal dominere på tribunen, seier Medhus.