NRK Meny
Normal

Vil bruke tid på å finne Pedersen sin erstattar

Fotballklubben Jerv stressar ikkje med å finne ny hovudtrenar.

Steinar Pedersen

Steinar Pedersen skal trene Start neste sesong.

Foto: Per-Kåre Sandbakk / NRK

– Dette har vi eit heilt avslappa forhold til. Vi har god tid og vil bruke tid på å finne den rette trenaren, seier styreleiar Per Gunnar Topland til NRK.

Per Gunnar Topland

Styreleiar i Jerv, Per Gunnar Topland.

Foto: Hans Erik Weiby/NRK

– Det er jo ikkje lenge sidan Steinar signerte for Start, så vi har ikkje gjort noko endå, seier Topland.

Jensen overtek

23. desember kom meldinga Jerv-fansen truleg frykta mest av alt.

Suksesstrenaren Steinar Pedersen hadde etter mykje fram og tilbake skrive under for Start.

Inntil vidare er det assistenttrenar Andreas Jensen som tek over hovudansvaret for 1. divisjonsklubben.

– Han er ein veldig bra og dyktig trenar, så det uroar oss ikkje, seier Topland.

– Har de aktuelle kandidatar per no?

– Nei. Vi har ikkje gjort noko. No har vi juleferie, så får vi sjå etter det, seier han.

Steinar Pedersen blir Starts nye trener

Steinar Pedersen er Start-trenar neste sesong.

Går for topp fire

Steinar Pedersen og Andreas Jensen førte Jerv frå 2. divisjon i fjor til kvalifiseringsspel til eliteserien denne sesongen. Der vart det tap mot naboen Start over to kampar.

Ifølgje Fædrelandsvennen er målsettinga topp fire i 1. divisjon kommande sesong.

Julafta vart det klart at veteranen Glenn Andersen tek eitt år til i Jerv-drakta.

– Det er viktig for klubben at Glenn blir med vidare. Det var ei viktig signering, seier Topland.