Tal frå Presteforeininga viser at nær ein av tre prestar i Noreg er over 60 år gamle, og dermed går av med pensjon innan ti år. Færre enn to av ti prestar er under 40 år.
– Staten må ha ein god rekrutteringsstrategi som inkluderer ei normal, konkurransedyktig løn, seier Sigrid Lem, forhandlingsleiar i Unio Stat, til Avisenes Nyhetsbyrå (ANB).
Prestar under 40 år tente i 2013 i snitt 446.000 kroner per år, medan snittløna for prestar i aldersgruppa 50 59 år var 495.000 kroner per år.
Gjennomsnittleg årsløn for tilsette i staten, utan helseføretaka, utgjorde 509.700 kroner i 2013.
– Vi ser det same her som elles i statleg sektor. Svak lønsutvikling samanlikna med privat sektor har skapt hjerneflukt og svak rekruttering, seier Lem.