Onsdag gjekk formannskapet inn for at dei først og fremst ynskjer ei utgreiing på å halde fram som eigen kommune.
- Les også: Storkommune i Setesdal i det blå
Ser på alternativ
– Vi føler vi har eit godt grunnlag til å drive kommunen på ein god måte også i framtida, seier han.
Samstundes bestemte formannskapet at kommunen skal sjå på ei mogleg samanslåing med naboane Bykle og Bygland.
Steinar Kyrvestad (Ap) ville setje punktum for diskusjonane om kommunesamanslåing allereie i dag. Dette vart altså nedstemt.
Ville seie stopp
– Valle kommune har allereie vore med på å utarbeide eit Setesdal-alternativ og eit langfjell-alternativ. Då tykkjer eg det er på tida, som også andre kommunar som Sirdal og Vinje har sagt, at vi set stopp, seier Kyrvestad.
Varaordfører Nina Johnsen (H) meiner det i utgangspunktet er best at Valle held fram som eigen kommune.
– Men dersom det ikkje let seg gjere, dersom utgreiinga viser at vi ikkje kan levere gode nok løysingar, er eg open for andre løysingar, seier ho.