Tysdag morgon var retten samla på riksveg 9 ved Rotemo i Valle, der presten laurdag 6. juni køyrde av vegen. Ein representant frå politiet, dommar, aktor, forsvarar og tiltalte var samla i ein bil for å rekonstruere episoden der presten hamna i grøfta.
– Det er vanskeleg å gjenskape episoden slik forholda er no. Det var ein annan bil og glatt føre, seier forsvarar Sveinung Søndervik Johnsen til NRK.
Indikasjon
Han trur ikkje rekonstruksjonen vil ha mykje å seie for utfallet av saka.
– Vi fekk ein indikasjon som vi kan samanlikne med det som har skjedd, seier han.
Tilbake i rettsalen var aktor Arne Kjønstad oppteken av korleis Valle-presten fekk ein kul og eit sår i panna etter ulukka.
.– Eg er usikker på om det skjedde i bilen, når eg kraup ut av bilen eller om eg pådrog meg det då eg gjekk opp i skogen etterpå. Eg hugsar lite etter at bremsene svikta, sa Skare i retten.
Sleit heile sommaren
Han fortalde også om store plager etter ulukka.
– Heile sommaren etter ulukka sleit eg med smerter i både nakke og rygg, sa han.
Den tiltalte Valle-presten, Arne Skare, vil førebels ikkje uttale seg til pressa.
– Etter at saka er over kan de få snakke med han, seier Søndervik Johnsen.
Rettsaka held no fram med prosedyrer.
MEIR FRÅ RETTSAKA: