Utanlandsk sjukepleievikar stadfesta smitta av koronaviruset

Ved sjukehuset i Flekkefjord jobbens det no med å spore opp alle pasientar som har vore i kontakt med vikaren.

Flekkefjord sykehus dronebilde

Ein vikar ved Sørlandet sjukehus i Flekkefjord har testa positivt på covid-19.

Foto: Per-Kåre Sandbakk / NRK Luftfoto

Denne artikkelen er over en måned gammel, og kan inneholde utdaterte råd fra myndighetene angående koronasmitten.

Hold deg oppdatert i NRKs oversikt, eller gjennom FHIs nettsider.

Vikaren hadde berre jobba i to dagar då den positive testen på covid-19 kom.

– Vi er i gang med smittesporing av alle pasientar som har vore i kontakt med personen.

Det seier fagdirektør Susanne Hernes ved Sørlandet sjukehus.

Tidlegare i sommar testa ein svensk vikar ved Helgelandssykehuset positivt. Det førte til at heile den kirurgiske avdelinga stengde.

Også ved Nordfjord sjukehus i gamle Sogn og Fjordane testa ein svensk vikarlege positivt for covid-19.

Det same skjedde med to svenske sjukepleiarar i Arendal.

Vikaren er frå eit land utanfor Norden. Noko meir presist enn det ønskjer ikkje sjukehuset å gå ut med.

– Flekkefjord er ein liten stad med mange vikarar. Derfor ønskjer vi ikkje å gå ut med noko som land personen er frå, seier Hernes.

Vikaren hadde på seg munnbind heile tida på jobb, og hadde ingen symptom.

– Då skal det ganske mykje til før ein kan overføre smitte. Vi gjer ei vurdering på kvart enkelt tilfelle om vi skal teste dei som har vore i kontakt, eller om dei berre skal vere årvakne på symptom, seier Hernes.

Mer om koronaviruset

Status Norge

Sist oppdatert: 10.08.2020
326
Siste uke
15
Innlagt
256
Døde