– Det er ein del av etterforskinga at vi går inn på alle. Dei sikta og den fornærma er kjenningar av politiet. Vi vil sjå på forhistoria til fornærma og sjå om det kan liggje eit motiv der, seier politiadvokat Hellek Rue til NRK.no.
Dømd for overgrep
Mannen i 50-åra, som vart funne drepen tysdag, er tidlegare dømd i overgrepssaker.
Mannen vart funne død på ei adresse i Farsund tysdag kveld. Kort tid etter vart tre menn arrestert og sikta i saka. Alle dei tre mennene nektar for å ha noko med drapet å gjere. Det kan bli aktuelt å utvide siktinga mot dei tre mennene.
- LES: Nektar for å ha noe med drapet å gjøre
– Vi tek sikte på å framstille dei til varetektsfengsling. Årsaka er fare for øydelegging av bevis, seier Rue.
– Kan det bli aktuelt å utvide siktinga?
– Det har vi ikkje teke endeleg standpunkt til, seier politiadvokaten.
Funne i stova
Den drepne mannen vart funne i sofaen i stova og skal ha flytta inn i den kommunale bustaden for 14 dagar sidan.
NRK kjenner også til at den drepne skal ha blitt sleppt ut av fengsel for å ha sona ein overgrepsdom for om lag eit år sidan.
Drapet i Farsund er det sjuande drapet på Agder hittil i år.