Det trur iallefall Statens vegvesen. Dei trur mildare vêr er det som skal til for at humpane skal rette seg.
– Det er ikkje utenkjeleg at humpinga betrar seg av seg sjølv. Dersom problemet er relatert til kulde, kan det betre seg utover våren, seier seksjonsleiar i Statens vegvesen, John Kristian Stormyr til Fædrelandsvennen.
Fleire har klaga
NRK har tidlegare skrive om at fleire lastebilsjåførar har klaga over asfaltdekke på nye E18.
LES OGSÅ:
– Der er sprekker i vegen, og deler av asfaltdekket er borte etter berre kort tids bruk. Det gjeld visse parti i vegen, ikkje heile E18. Du skulle nesten tru at vegen var 12 år gammal, sa lastebilsjåfør Kai Nilsen til NRK i midten av februar.
No er det sett ut eit varselskilt ved tunnelopningen til Skifjelltunnelen for å varsle om humpar.
Forvarsel
– Skiltinga er eit forvarsel på at bilistane må vere oppmerksomme på forholda i tunnelen. Framover blir det også fleire motorsyklar på vegane, dei har ofte behov for betre varsling enn bilane, seier Stormyr i vegvesenet.
– Er det aktuelt å senke farten på staden?
– Vi har vurdert det, men vi har funne ut at vi ikkje skal gjere det førebels. Vi vil følgje med på korleis dette utviklar seg først. Når trafikantane blir varsla om ujamn veg, bør dei sjølv tilpasse seg forholda, seier han.