Faren til barna er sikta for drapet som skjedde på Nodeland i Songdalen fredag kveld. I avhøyr har 49-åringen innrømt dei faktiske forholda.
Politiet hadde sperra av området rundt bustaden på Nodeland laurdag.
Foto: Sander Heggheim/NRKHan erkjenner at det var han som gjorde at ho døydde.
Dei yngste barna er i barnehagealder. Det eldste barnet til paret er 25 år.
– Vi har teke vitneavhøyr av eitt av barna, men ikkje dei yngste, seier lensmann i Søgne og Songdalen, Terje Pedersen til NRK.
Må gjerast dommaravhøyr
Lensmannen er klar på at etterforskinga vil ta tid fordi fleire av barna er under 18 år.
– Det må gjerast dommaravhøyr av desse og det medfører meir ekstraarbeid, seier Pedersen.
Det er barnevernsvakta i Kristiansand som no tek hand om barna som har mista mor si.
– Vi veit at dei er godt ivaretekne av Barnevernet i Kristiansand. Vi er godt i gang med å sørge for at dei vert følgt godt opp når dei kjem til Songdalen, sa assisterende rådmann Kjell Sverre Langenes til NRK tidlegare laurdag.
Kvinna vart drepen i heimen sin på Nodeland i Songdalen.
Foto: Schrøder, Tor Erik / NTB scanpixKvinna skal obduserast
Politiet vil førebels ikkje seie noko om dødsårsaka.
– Vi kan ikkje seie noko om det med sikkerheit før vi har fått den førebelse obduksjonsrapporten, seier lensmannen.
Den drapssikta mannen er far til ni barn. Åtte av dei bur i Kristiansand.
– Det er vel noko av det aller tyngste. Han har ni barn. Fleire av dei bur framleis heime. Dette er noko av han er veldig oppteken av. Tankane går i første rekkje til barna. Han er knust, seier advokaten hans Knut Henning Larsen.
Mannen vil bli framstilt for varetektsfengsling måndag.
Sjå intervju med Knut Henning Larsen som er advokaten til den drapssikta mannen.
