Tre menn arrestert for vald

Tre menn i alderen i 30-åra vart i natt arrestert av politiet etter å ha utsett ein mann for vald.

Sentrumsvegen, Vennesla

BRÅK: Det var her i Vennesla sentrum episoden fann stad.

Foto: Knut Knudsen Eigeland/NRK

Den 48 år gamle mannen vart send til sjukehus med ambulanse med skader.

Valdsepisoden fann stad i Vennesla sentrum natt til laurdag.

Politiet meiner at det har vore eit slagsmål, men det er førebels uklart kva som skjedde før slagsmålet.

Dei tre mennene som er arrestert er ein 32 år gammal mann frå Rogaland, ein 33 år gammal mann frå Vennesla og ein 32 år gammal mann.