Det vart sett i gang leiting etter kvinna måndag kveld etter at ingen hadde sett ho sidan laurdag ettermiddag.
Leitemannskap frå politiet, Sivilforsvaret og Røde Kors søkte etter kvinna gjennom natta. Det vart også nytta hundar i søket etter kvinna.
– Per no har vi ingen nye opplysningar om kva den sakna kan vere, seier innsatsleiar Morten Isaksen i politiet til NRK.
Kvinna var på besøk hos ei venninne laurdag. Etter det er det ingen som har sett ho.
– Vi gjer ein del avhøyr og anna taktisk etterforsking for å få tak i fleire opplysningar på kvar ho kan ha teke vegen. Vi ber publikum som kan ha opplysningar om å ta kontakt med politiet, seier han.
Politiet har førebels ikkje mistanke om at det har skjedd noko kriminelt.
Sjå intervju med innsatsleiar i politiet, Morten Isaksen.
