Prosjektet skal førebyggje tarmkreft. Dei fire første møtte fram i dag og prosjektet skal halde fram i fleire år.
- LES OGSÅ: Mat som hjelper mot kreft
Smertefritt
– Dette er ein av dei største vitskaplege studiene innan klinisk medisin som er sett i gang i Norge nokonsinne. Det vil involvere 66 000 menneske i fleire europeiske land, seier prosjektleiar Michael Bretthauer frå Kreftregisteret til NRK.no.
I åtte av dei ti største kommunane på Agder vil samtlege personar mellom 55 og 64 år bli delaktig i undersøkjinga. 10 000 vert kontrollgruppe, medan 5000 vert inviterte til sjukehuset for ein sjekk.
- LES OGSÅ: Kreftsymptomene du skal ta alvorlig
– Vi ynskjer at friske folk kjem til tarmkikke-undersøkjing for å få fjerna forstadie til kreft. 1 av 5 går rundt med dette utan å vite det. Forstadiene kan fjernast lett ved ei slik undersøkjing. Det er smertefritt og tek få sekund å få fjerna, seier han.
– Vi trur det kan førebyggje utvikling av kreft i framtida, seier Bretthauer.
Undersøkt med tarmkikkert
I dag vart dei fire første undersøkt med tarmkikkert.
– Det har gått veldig greit, seier sjukepleiar Åse Sannæss.
Sjølv om fleire tusen skal undersøkjast, kan ein ikkje møte opp på eige initiativ.
- LES OGSÅ: Derfor får du kreft
– Dette vert gjort som eit ledd i eit vitskapleg studie. For å få det metodemessige korrekt vil det bli plukka ut eit tilfeldig utval. Dermed er det slik at dersom ein har plager, må ein søkje lege på vanleg måte, seier overlege Jon Matre.
